Psalms 121

Kamongo Namwana Kyawa Minyingi

Nambame yuu kyau ketae dorena kandalyo kandelyo.
Nambana nyisingi doko anjapiso eparase?
Kamongo yake yuupi wasiyamo doko keta
nambana nyisingi epara.

Baame emba isa pupili lao suu pyaa napala
kyawa minyuo kararamo doko lenge rakaro karenge.

Isaraele wambunya kyawa minyingi dokome
luu pali nao isingi.
Kamongo baame emba kararene dorena karapala
emba kyawa minyaro karara.
Korakama dokopa emba neta randa nao
kukwa kana raramodokopa dopako pyuo pinya lao pira.

Kamongo baame randa dupwana emba kingi raka lanyi nembo
kyawa minyara.
Kamongo baame emba yulu pyuo minyuo papyuo kararene dupwana
kyawa minyuo karalu karara.
Copyright information for `KYC