Psalms 122

Jerusaleme Lakandenge Pii

Nakamame namba langyuo,
Kamongona anda dokona mwua leyaminyi dokopa namba rae maiyu.
Doko epapu namwa dae angi Jerusaleme kame kambu andakarerena epo karamano.

Jerusaleme taone andake doko elya pyuo pinjingi lyolope yalu pyuo kapa kapa piyaminyi au piro karamo.
Dopa pyuo piyaminyidokome
lowana letamo dokona palyuo
Isaraele rara dupwame
Kamongo kando ange lala epenge.
Dake Isaraele wambunya kiŋi dupwame
wambunya kote pii soo peteyami.

Jerusaleme doko mona kyuu lao seramopa petena lao ateŋa lakamipwape.
Wambu Jerusaleme mona nyilyaminyi dupwa yuunya amenge doko nao sikya piramo petenale.
Kana kame andakare dorena mondo lao mona seramo soo
kiŋinya palenge anda dupwa moŋo see nanale.
Nambana ree palupi puu minyingipi dupwana reke lao
Jerusaleme dokona mona kyuu lao seramo pisipwape, leto.
Kamongo baa dae palyuo karamo dokona lao
nakamana ee yuupi ipinya lao ateŋa lakalyo.
Copyright information for `KYC