Psalms 124

Anatu Baa Banya Wambu Kyawa Minyuo Karenge

Kamongo baa namwa role pyao kara napyali apa pipyali?
Isaraele wambu dupwame isingi lalapape.
Namwana yanda pimwai dupwame namwa pyalana piyaminyi dokopa
Anatu namwa pipya role pyao kara nayali doko
nakamame namwa lenge rao kareyamanopa
nakamana imbu singi dokome namwa lee rapeta nao goe leyamili.
Dokopaapunda epo ipwa kama piyamo dokome namwa soo pao
ipwa dokome namwa yambepyao piyali.
Ipwa endangi palyuo uu lao epapala namwa nyuo yalupiyasa kumuyamali.

Namwana yanda pimwai dupwa keta pinya lao suu laa nalyamo dokona
Kamongo baa lakandamanale.
Nuli nenge akalinya yaka kone makanyi palyingi dokona yaka baa kuinya palipa nao wanjingi dopale ingyuo karamano.
Kone makami doko petapyasa namwa kiiramo pasi karamano.
Namwa nyisara doko
Kamongo yake yuupi wasiya doko keta epenge.
Copyright information for `KYC