Psalms 137

Isaraele Wambu Dupwa Karapusi Ingyuo Karo Ee LeyamiPii Doko

Yuu Bapilone ipwa pona dupwana piso
yuu Sayone suu pyao ee lao peteyama.
Ee lao piso dokopa namwanagita dupwa
walilyame pusinyai dopale ipwa repeta kareyamo dupwana mee yukunyi palyiyama.
Namwa karapusi pyao lanyuo epeyami dupwame kenane pyalapa, leyami.
Nakama rae maimana lapala
yuu Sayone dokona lao kenane pyalapa, leyami.

Yuu wakale dokona piso apa pyuo Kamongona lao kenane pyaramase?
Nambame Jerusaleme emba kame sookaeyo laro ramo
gita dee kamba pyaa nalu nao narowale.
Nambame emba kando nyilini dokopa rae andake maingiŋi lao dee suu pyaa nao
kame soo kaeyo laro ramo doko
kenane pinginyili pyuo paa naoyaki nyuo kaeyaro.

Kamongo embame Jerusaleme wambu anjo nyuo peyami dokopa
yuu Itome wambu dupwame koo piyami kande doko kame soo kaeya napala suu pyao karape.
Suu pyao karo dokopa
nakamame yuu andape lalyuo bolombalo nembena lao lapa pyuo kareyami kande.

Bapilone emba koo keta palyuo pare ingilyamo.
Embame namwa piinyili pyuo isingi pyakao
embena wane dupwa nyepala pyao
kana dupwana piso pyakaramo akali doko rae maiyuo karara.
Copyright information for `KYC