Psalms 23

Kamongo Doko Namwa Mena Sipisipi Ingyuo Rapu Pyuo Karamo

Kamongo doko namba mena sipisipi ingyuo rapu pyuo karamo.
Namba mendeme yangilyande daa.
Baame namba yuu isako kyakange dokona imambu soo pale lao panda joo
dee ipwa pete manda rasi dokonalanyuo pao pingi.
Baame namba porai renge deeko jepa pingi.
Baame dopa piro dopande pirona lao lalamuli pyuo
namba kata angi dokona lasaka pingi.
Kamongo emba role pyao karapinyi dokome mona nembo kara naro. (23:4)

Nambame koo keta palirunupape
Kamongo emba role pyao karapinyi dokome
mona nembo kara naro.
Emba mena rapupingi akalinya pangalinya mendeke ingyuo namba pingi pyao kyawa minyuo paenge.

Embame nambana yanda pimwainya lenge kambu dokona
nenge andake yaowakalana rapa rapa pilini.
Embame kyawa dokona mamba kulimbwakao kisakapinyi dokome
embame upinili mende epelyamo yako lao nyingi dopale ingyuo namba laku nyingi.
Namba yuu gii kararo dusipana embena keyange rengepe mona retenge rengepe dolapo namba keta soo puu paralyamo doko silyu.
Dopa piramopa embena anda yuupi doko nambana ingyuo puu parolyamo.
Copyright information for `KYC