Psalms 43

Yuu Wakalena AnjoNyepala Peyaminyipa Karapusi Ingyuo Paleyamopa Akalinya Ateŋa Pii Doko
Sa 43 doko Sa 42 dokona kimbu sisi pyasi palamo.

O Anatu, wambu emba suu pyaa nange dupwame namba kando pii kopetame laminyi dupwana raka dokona
namba rolae ingyuo karene lao panolape.
Dopa pyuo wambu yulu koo pingipi kyambo lengepe karaminyi dokona namba kyawa minyuo minyalyuo nyepe.
Emba nambana alya minyingi ingyuo karene.
Akipamo embame namba yaki nyelese?
Yanda pimwai dupwame namba randa kopetame ingyuo joo kararaminyipa
akipamo namba randa dokonyuoko parose?

Embena yanga paupau lengepe kinyinya rengepe dolapo peyakape.
Embena yuu kyau poo pyasi Sayone lenge dokonape
embena tembole anda emba palenge dokonape
namba dee kamba laminyuo penale.
O Anatu, enakana namba embena kana pyare laro karenge dokonaparo.
Emba keta nambana mona pyakalyuo pyao rae maingi renge potemo epenge.
Anatu, nambana Anatu, nambana rambyalu lao kenane pyao emba lakandaro.

Akipamo namba ama kondalyose?
Akipamo nambana mona dokona randa nyilyusi?
Nambana Anatu baa kapa pira lao suu pyao kararo.
Baa nambana lete wai pyao nyingi baa nambana Anatu ingyuo karamo lao
dee lakandaro ingilyamo.
Copyright information for `KYC