Psalms 87

Yuu Jerusaleme Lakando Kenane Piyami

Yuu kyau poo pyasi dokona Kamongome banya yuu taone andake wasiya.
Isaraele dokona yuu wakale wakale singi dupwa nyuo isa palyuo
Anatumi Jerusaleme doko mona wakasaretenge.
Wambu Anatunya taone andake dokona palaminyi dupwa
Anatumi yulu keyange pipa pipa pyakalyamo doko selapape.

Nambapa kamba laa naminyi yuu dupwa yaka laronopa
Isipi Bapilonepa opetae yaka laro ingilyamo.
Pilisitia Taiya dee Itiopia wambu dusipa
Jerusaleme dopakaleko ingilyamo laro.

Jerusaleme doko wambu rara wakale wakale peparaena ingilyamo lao
Anatu Porai Wakasa dokome Jerusaleme doko porainyi pyambwara, larami.
Kamongo baame wambu rara peparaena yaka lao kingi pepa pyao
nakama peparae yuu Jerusaleme rangeŋe lao retara.
Wambu peparae pyakalyuo pyao dopa laokyaponga pilyaminyi.
Yuu Jerusaleme dokona renge keyange dupwa peparae sipurenge lao pilyaminyi.
Copyright information for `KYC