Psalms 93

Anatu Baa Kiŋi

Kamongo baa kiŋi.
Banya kingi kamame nyilyingi dokomepe porainya renge dokomepe range komau ingyuo pee pipala karamo.
Isa yuu dake reteyamuli pyuo porai wakasa ingyuo romo pii nao sulu soo singi.
O Kamongo, embena kiŋinya yulu doko yuu kanda soo wasiyamo dokopa piso pao porai ingyuo sulu singi.
Yuu gii ene kanda sepa nayamo dokopa emba mee karalu karenge.

Kamongo, ipwa kota andake ama kyuwa dokona singi dokome ama kasakole minyuo
pii lao gono gono lenge.
Ipwa kota ama kasakole minyuo gono gono lao porai ingyuo silyamopape
Kamongobaa yake panda dokona mupwa karo
ama porai wakasa ingyuo iso karenge.

Kamongo, embena lowa dupwa yuu peparae sulu singi.
Embena tembole anda doko ama poo pyasi wakasa ingyuo karalu karara.
Copyright information for `KYC