2 Thessalonians 1

Nagaemo Polo'namogi Silivenisi'agi Timoti'agi huta Tesalonaika taonifi'mo mai'naya vaya'mogitapamo afotimo Gotipi'e Ala kava netimo Yesu Kalaisipi'e'mo mai'naya siosi vaya'mogitapae'mo mani avo'mo nekaone. Afotimo Goti'e Ala kava netimo Yesu Kalaisi'e'mo fiku lapa mae'ana lapami'anageno lapaipamo'mo falu hino.

Kalaisi'a eminesiya afinafe'mo ava gemo hu'niya gemae

Konagatimogitapae, huta, lapakesa afita fatago nehaya kava'mo'a ko sino alopa he'nigetapae'mo konagatapimogife'mo lapau'niyanageno mago'e mago'e huno nelapaiye. Ani kava'mo nehaya'mofe'mo kanale kava'mogeta lapakaefe'mo muki afina'mo Gotife'mo hao ke hesuna kava'mo hane'niye. Apaini hu'a nelapatagetapa kanamo ali'netapae'mo lapakesa afita fatago nehutapa o'ataleta atafauta alagi hutapa mai'naya'mofe'mo lagaemo Goti siosi vaya'amo ali'a anupa hu'a mai'nayatega'e mai'nayatega'e'mo hutae'mo, alagepa kava'mo hu'a ne'maiye, huta lapakitapile'mo alita asaga huta nelapatone. Lapakaemo yagaino ne'apateya kote'mo maisayafe'mo Goti'a, hai'a maisaya vaya'mo mai'nae, huno agesamo afisiyafe'mo kana ya'mo ne'aliye. Goti'a kanamo ali'a nelapamiya vaya'ai anona'apilefe'mo alagepa kava'mo huno kanamo alino apamigiye. Ala kava ne'mo Yesu Kalaisi'agi himamu'api'e enisole vayanagi hu'a ata vaipi'mo koku'napati'mo emi'e'a muki vaya'ai apaulagale'mo afole ne'aisageno'ae'mo Goti'a lapakaemo kana ali'naya vaya'mo alino falu huno lapatesigeta lagae'e lapakae'e'mo magokepi maita falu hugune. Kalaisi'a vaya'mo Goti'mo o'agege Ala kava netimo Yesu Kalaisife'mo alagepa faigoko ge'amo o'afige hu'a ne'maiya vaya'mo anona'apilefe'mo ata kayoteti'mo apamagigiye. Apakaemo Ala kava ne'mo aulagale'mo o'maigaya'monanafa ha le konali himamu'age yategati'mo alino hapa faino apataleteno'ae'mo muki afina'mo alino apago'ya lagauno apatalege apatalege huno maigiye. 10 Ani afina'mo apaote vaya'amo alino alagepa huno apatesige'apae'mo agi'ale'mo ali'a asaga hu'a ategae. Muki vaya'mo apakesamo afi'a fatago nehaya vaya'mogimo agaemo agete'apae'mo hapau ne'ai'a apamogaga aigae. Lapakaemo lapa pai'nona gee'mo lapakesa afita fatago hu'naya'mofe'mo apakae'e'mo magokepi lokaetapa maigae.

Lagaemo nunumu huta ne'apatona gemae

11 Ani kavatefe'mo lagaemo muki afina'mo Gotife'mo, Kagaemo Tesaloniyani vaya'mo apaote maisayafe'mo keya aeka ge hu'nane. Apaote maisayafe'mo alika apaote apato. Apakaetegamo kahau'nisiya kava'mo alagepa kava'mo huka himamukaleti'mo apaipafi'mo apakesamo afi'a fatago hisaya kava'mo alo huvo, huta nunumu nehune. 12 Na kava hisayafe'mae. Goti'e Ala kava ne'mo Yesu Kalaisi'e'mo fiku lapa mae'ana lapamite'ana lapaipafi'mo ali'ya'mo alisa'age'apae'mo vaya'mogi ani kava'mo agete'apae'mo Ala kava netimo Yesu Kalaisi agi'ale'mo ali'a asaga hu'a atesayafe'mae. Ani kava hisage'a Kalaisiteti'mo lapakitapile'mo ali'a asaga hu'a lapategae.

Copyright information for `KYG