Psalms 11

Goti'a alino fako huno ne'apateya kavafe'mo ava gemo hu'niya gemae

Nagaemo hakumo alino ataleno yagaino natesiyafe'mo Ala kava nepi'mo u'na fala nekuva'mofe'mo na agufa gemo, namagana huka avelegamo halelika kaune ho, hutapa naha paigae. Ago, hosu vaya'mogimo alagepa apaipa vaya'mo hapaesayafe'mo ati'apimo yagaite'a kevemo ali'a yagaili'a hani'ilagamo ne'vae. Faino ate'niya ya'mo ali'a halagape vai'a atalesayana alagepa vaya'mogimo na kava hugae. Goti'a koku'napi'mo mai'neno'ae'mo aote mono no'afi'mo fai mai'niye. Goti'a yagaino ne'apateya siate'mo fai mai'neno'ae'mo ma mopafi muki vaya'mo apakeno alagepa huno apake'neno alino fako huno ne'apate. Ala kava ne'mo'a alagepa vaya'mo apamalageka nehiya'monanafa hosu vayanagi vaya'mo apamagisayafe'mo hapau'niya vaya'enagi huno aipafati'mo alagi ohau'niye. Agaemo apakaetegamo ko aigekana huno ane'ai nofikana ya'mo yaga augiye. Atagi atafi'mo kae malefa yafanagi amuko yasimogi huno hetama'apimo hane'niye. Na agufa kavafe'mo hau'niyanageno'aene. Ala kava ne'mo fatago vekamo mai'neno'ae'mo fatago kavafeke'mo hau'niya'mofe'mae. Alagepa kava'mo nehaya vaya'mogimo hai'a augosafi'mo agegae.

Copyright information for `KYG