Psalms 38

Hosu kava'mo hu'nigeno Ala kava ne'mo'a kayo'mo alino ami'niya gemae

Ala kava nene, hu'na, kaipamo leka ne'natekae'mo ge o'nahauvo. Kaipamo leka ne'natekae'mo o'namagiyo. Kevekaleti'mo nahae'nanageno eno nagufafi'mo hani'nigekae'mo kayateti'mo namagi'nane. Kaipamo leka nate'nana'mofe'mo nagufamo'mo alagi kanale nosiye. Hosu kava'mo hu'nova'mofe'mo nayamufa'nimo'a alagi lokiya no'vaiye. Hosu kava'nimo'mo anikana huno nagenopale'mo aeno nati kae'nige'nae'mo lusi kana ya'mo ali'nova'mofe'mo aeno nagase'niye.

Negi kava'mo hu'nova'mofe'mo namu'mo naleteno kola'e o'e'mo hu'nigeno atu ne'aiye. Nagufamo'mo kana'age'mo nahau'nige'na muki afina'mo ape hu'nage'mo mai'ne'nae'mo yulagefa ai'na ne'mauve. Amukomo nahau'nige'na faligefe'mo nehuve. Lusi kava huno alaga'mo nahae'nigeno lokiya'nimo alagi ohane'niye. Naipamo'mo kanale osu'nige'na avovo nehuve. Ala kava nene, hu'na, na agufa naipamo nekalufi huka ago nage'nanage'nae'mo avovo nehu'na yulagefa ne'augeka afi'nane. 10 Lutunopa'nifati'mo fako pako nehigeno'ae'mo lokiya'nimo alagi ohane'niye. Naulagafati'mo hani'age'mo hu'niye. 11 Lusi kaita'mo nahau'nige'apae'mo nao vaya'e nafalu'nimogi'e'mo nagaetegamo o'me'nae. Afamo anaga'nimogi'e'mo natale'a u'a afagi'ale'mo mai'nae. 12 Namagisayafe'mo nehaya vaya'mogimo ane'aimo hanagi male'nae. Namagigefe'mo nehaya vaya'mogimo nagaetegamo hisaya kavafe'mo muki afina'mo apakesa afifi hu'a mai'ne'a namagisaya kafe'mo kahauya hu'a agesayafe'mo nehae.

13 Nehaya'monanafa agesamo akanigeno gemo no'afiya vekagana hu'na mai'ne'na gemo no'afuve. Negi vekamo'mo age no'aiya vekagana hu'na ne'mauve. 14 He, gemo nehaya gemo no'afiya vekagana hu'na mai'ne'nae'mo gemo nohapauve. 15 Ala kava nene, hu'na, kagava ne'mauve. Ala kava ne'nimo Goti'nimogae, hu'na, ge'nimo afiteka naha maegane. 16 Hanageke ya'mo ali'nova kavafe'mo fiku yanage'a apamogaga aigae. Ae'na halu vale lami'na asagau'na aisuge'apae'mo fiku yanage'a ago aeta agase'none, hu'a hugae. 17 Asagau'na aigefe'mo nehugeno'ae'mo muki afina'mo nagafu nekiye. 18 Hosu kava'nie'mo nahau hute'nae'mo ae'na hakalo nehuve. 19 Apakaetegamo hosu kava'mo osu'noge'a afa'a ne'maiya kame vaya'nimogi'e'mo lokiya vaya'age'mo mai'nae. Asole vaya'mogimo fiku apaini hu'a ne'natae. 20 Nagaemo alagepa kate'mo visuvafe'mo nehuva'mofe'mo kame hu'a natete'a alagepa kava'nimo anona'alefe'mo nagaetegamo hosu kava'mo nehae.

21 Ala kava nene, hu'na, nataleka o'uvo. O Goti'nimogae, hu'na, afagi'ale'mo uka o'maika nahaopa'aleke'mo eka maiyo. 22 Ala kava ne'nimogae, hu'na, nagufamo alika katika ne'natana veka'nimogamae, hu'na, malage huka eka naha mao.

Copyright information for `KYG