Psalms 48

Goti'a alagepa taoni'amo hane'niya gemae

Ala kava ne'mo'a ala agi'amo ali'niye. Lagaemo aote alino male'niya avele'mo haiteta Gotitimo taoni'afi'mo faleta haita agi'ale'mo alita asaga huta ategetao. Ani avemo Saiyoni avemo kanale yatala avemo hane'niye. Muki ma mopafi mai'naya vaya'mogimo ani avee'mo apamogaga ne'aiye. Hoga haopalega hane'nigeno Ala kini vekamo taoni'amo ani avele'mo hane'niye. Goti'a ani taonifi'mo mai'neno taonifi'mo ne'maiya vaya'mo hapa ne'mae.

Afiyo, hu'na, kini vaya'mogimo Saiyoni taonifi'mo kame hisayafe'mo ali'a anupa hu'a mai'ne'a taoni haopale'mo e'nae. Apakaemo agete'apae'mo hapau ai'nae. Apakaemo koli hute'a malage hu'a atale'a u'nae. E'a apamo'ya ai'a mai'nae. A'nemogi mafa'nemo ali'a ne'apataya afina'mo apakafu nekiya kava huno apakafu ki'niye. Kagaemo yegemo haine ne'eya kotegati'mo alopa yasimo aliyo, huka hu'nanageno aliteno Tasisi vaya'ai alopa sipi'apimo aeno atava ai'niye.

Goti'a akeya'vilagamo ani agufa kava'mo hu'niya ava gemo afiteta Gotitimo'mo taoni'afi'mo age'none. Ala kava ne'mo'a asole vaya'aite'mo yagaino ne'apateya vekamo'mo taoni'afi'mo lokiya kava'amo hu'nigeta age'none. Goti'a taoni'amo alino lokiya vaino atesigeno muki afina'mo afa'a hanege hanege huno hanegaiye.

O Gotiyo, huta, Lagaemo mono nokafi'mo mai'netae'mo lagaefe'mo kahau kayamopafi'mo kahauge kahauge huno kahau'niya kavafe'mo lagesamo afi'none. 10 O Gotiyo, huta, Ala kagikamo hane'niya'mofe'mo muki ma mopafi vaya'mogimo ala kagikamo nekamiye. Lamaga kayateti'mo fatago kava'mo nehane. 11 Kagaemo alagepa huka alika fako nehana'mofe'mo Saiyoni avele'mo mai'naya vayanagi Yuta nofi vaya'ai a'mafa'ne'apigi hu'a apamogaga aigae.

12 Saiyoni avefi'mo umenitata nehutapa taoni yafa lafi kegi'yale'mo faita ku ai'netapa kegi'yale'mo hane'niya yatala nofe'mo lekana paiyo. 13 Lapakaemo afole aisaya vaya'aife'mo hapa paisayafe'mo taonile'mo lokiya yafa lafi kegi'yae'mo lapakesamo afiyo. Lapakaemo taonifi'mo lokiya nofe'mo lapakesa afifi hutapa maiyo. 14 Ani Goti'a muki afina'mo Gotitimo'mo maige maige huno maigiye. Agaemo uno hogoteteno visuna ka'mo alino lave lite lave lite hume hume ne'visigeta faligune.

Copyright information for `KYG