Psalms 85

Hau huno ne'apateya kavafe'mo ava gemae

Ala kava nene, hu'na, kagaemo mopakale'mo mai'naya vaya'mo alagepa huka hapa mae'nane. Kagaemo Yekopu nofi vaya'mo hatu maeka apateteka apavalelika eka apakai'api mopale'mo apate'nane. Kagaemo vayakamogi hosu kava'apimo alika ataletekae'mo, afa'a ateyo, huka hu'nane. Muki hosu kava'apimo aeka ati kaeka atale'nane. Hogoteka kaipamo leka apate'nana'monanafa henaga'amo kaipamo falu huka apate'nane. Lusi kava huno kaipamo le'niyana afa'a atale'nane.

O, Gotiyo, hu'na, lagufamo alika katika nelatana vekamae. Halate alika alagepa huka lateteka alika aika atagi neka lavalelika eno. Kaipamo falu huka lato. Muki afina'mo kaipamo leka latesapiye. Hemenimo mai'naya vaya'aifenagi henaga'amo afole ai'a maisaya vaya'aifenagi huka kaipamo leka apateka hano osuka leka apateme apateme ugapiye. Faligekana huta mai'nonagi halate alika he tika olategapiye. Vayakamogimo kagaefeke'mo apamogaga aisayafe'mae. O Ala kava nene, hu'na, kahau huka lato. Lagufamo alika katika lato.

Nagaemo Ala kava ne'mo Goti'a hisiya gemo afiguve. Agaemo agai'a vaya'mo apaote vaya'aife'mo alino nanu aeno apatesiya gee'mo huno'ae'mo, lapaipamo'mo falu hino, huno hapa paigiye. Hapa paigiya'monanafa fiku kavanage'a ai'a atagine'a e'a halate negi kava'mo hugae. Ha le konali ya'amo'mo lagae mopale'mo hanege hanege huno hanesiyafe'mo agaefe'mo koli nehaya vaya'mo hapaopale'mo eno apakufamo alino katino apategaiye.

10 Hau huno apatesiya kava'a'e lama ge'a'e'mo e'ana fotu hu'na'ae. Fatago kava'a'e alino nanu aeno apatesiya kava'a'e'mo e'ana hanae'ana ne'na'ae. 11 Lama ge kava'mo'a ma mopafati'mo hagegekana huno afole aisigeno fatago kava'mo'a koku'napati'mo he tino aeno kamafaino apakegaiye. 12 He, Ala kava ne'mo'a alagepa ya'mo alino lamisigeno lagae mopafati'mo ne'ya'mo hagegaiye. 13 Fatago kava'mo hogoteno ne'visigeno'ae'mo agaemo egaiye. Fatago kava'amo aiyakamo alisunafe'mo ka'mo valino lategaiye.

Copyright information for `KYG