Revelation of John 4

Áánútu áwíꞋa mósá makáan-kwasai.

Ísu simásímatuwowaꞋa awánaawanda kwíyómpaꞋa ontá tigurówana aivaꞋó uwírenkaambo anónkaꞋo súwai simásimena séna kemá máyaundavaꞋa íyínaꞋa aáno paárinin-tantaaꞋa agaráárankanaumne. avekáámbá Áánútun-amanko kempímbá anómba umásinkowaꞋa awánaawanda kwíyómpaꞋa kawááin-avama kwáyowana minkáꞋá moóráwai máyowaꞋa awánaawanda anekémbá sáma kwégowana taayáná-kwisiyaniꞋa kwéuwana naaeríríꞋa kwéuwana mináváráꞋá osámbá taayáná-kwisiyaniꞋa umái úkúraaꞋnamankowana kawááiwai máín-ayampaꞋa avumpimbá kwáyowasa moórá-kwaai aíyayaan-umai éíyain-kwaasi kawááuwaiti avamá úkúmarena kwáyowasa minkáꞋá moórá-kwaai aíyayaan-umai éíyain-kwaasi anón-kwaasi mésa kwayán-únánkwátói úmaresa mésa anón-kwaasiti kánumoꞋa óntanko áwíꞋa kórinei úmakaan-kanumoꞋa tiꞋnómpímbá umásokaawe. avumpimbó kawááin-avarakemba tawáomba úwana kwíyónaai kwésuwana awairái kwésuwana mináváóná aúrampaꞋa avakaeté-omba kwégena minómbá Áánútun-amanko avakaeté-asirayan-amankoman-iye. kawááin-avaona aúrankaꞋa nonkwaaúmbá ságayan-domba kwáyowasa éíyain-awampaꞋa éíyaimba túvamaimo máyówai mésa tínaaempare túrampare sáwíva-turamba kwáyówai mésa moóráwai amápar-asirayamba usáyaaitarowai anón-iyankaaniꞋa umái máyowana moóráwai purumakankááníꞋa umái Áánútuntavai ísámai kwétuvuꞋmai nówai máyowana moóráwai kwaási óikaaniꞋa umái máyowana moóráwai anón-evontaankaaniꞋa umái ayóísántámbá kwétena máyowana minéíyáímbá túvamai máyówai avaꞋmoraé-ayoima kwáyowana amápa-turare ayóí-ándámpáré túramba kwáyowasa aasiyaasí aaváyaavimba enónkaꞋa noꞋwáámba maarán-ímá símae kwéiyesa sésa

  • Ísóigo Áánútu amápar-asirayankwarawai
  • óꞋoran-kaweꞋa umái máyáiye. aivaꞋá
  • ména ívékwaraꞋa ména maíꞋmaiꞋa íníye
kwésesa minímá símaesa iráawe.
minéíyáímbó túvamaimo máyówai kawááin-avaraꞋa ména aasiyaasí maíꞋmaiꞋa íníwaimba áwíꞋa mósá marésa súwi sésa óꞋoran-aaimban-iye kwésumba 10 moórá-kwaai aíyayaan-umai éíyain-kwaasi anón-kwaasi kawááin-avaraꞋa ména aasiyaasí maíꞋmaiꞋa íníwai aísamaivimba kívairesa áwíꞋa mósá marésa anóndakoman-iye sésa tiꞋnónkákén-tántááꞋá akwáímai aísamaivimba marésa 11 maarán-ímá sésa

  • kentáásí Ísóigo Áánútu kawenár-úramba éma amápa-tantaaꞋa taróruraane. imáyáa éma amápa-tantaaꞋa taróruraandayaveta kesáá máyaunanaya amápa-tantaakwaraꞋa kwáyáiye. mindáyaveta enáwíꞋa mósá kwémareta séta kwaási ená óꞋoran-aaimba awánáíyama asirayánkwáráꞋá méniyone kwésune
kwésesa minímá siráawe.

Copyright information for `KZE