c16.7 Mak 14.28

Mark 16

Na-le-mǝhat-an dan nǝmatan

(Mat 28.1–8; Luk 24.1–12; Jon 20.1–10)

Nǝboŋ nǝSappat tonoŋ, aMeri ta Maktala, aMeri anan aJemes, mai aSalome loṽur nǝhai pǝhas hǝn lǝb̃evǝhas niben aYesu. Len nǝmariboŋ metǝkav hǝn nawik,
16.2 Len nasoruan ta Kris ike len nǝmariboŋ metǝkav hǝn nawik, gidato datokis nǝmariboŋ enan hǝn nǝSade.
dudulan som̃ilan, lovi lan nab̃urhuvat nǝmatan,
ale lous galit gabag ke, “Gidat datsǝnav. Ase terib hǝn nab̃iltivat enan dan nab̃urhuvat nǝmatan?”

Be nǝboŋ lotokǝta van hǝn nab̃iltivat enan, loris ke, naut kǝmas tovi b̃iltivat, sǝpat gol nab̃ur am, ehum avan sua torib hǝni tia. Ale nǝboŋ lotob̃is len nab̃urhuvat nǝmatan, loris nǝmantuhmar sua tobǝtah len navǝlan nǝmatu, tosun nahurabat topǝhapǝhw.
16.5 Nǝmantuhmar savi natǝtai be evi ulum̃an nǝdam̃ han tonor hǝn nǝlahan, be sǝlah sal.
Lumaŋmaŋ habat lan, lomǝtahw.
Ike, “Samtemǝtahw! Mǝtudoŋ aYesu ta Nasaret tomat len nǝhai balbal. Ile mǝhat tia! Satoh gegai. Mǝtekǝta ris naut lotoriŋi topat lan. Mitivan. Mitikel mai ahai susur san gail mai aPita ke, ‘Eil a m̃o hǝn gamito vi Kalili. Dereh mǝterisi ei, hum tokel mai gamit tia.’” c 

Latpǝhaṽut galenan lotovivile, lupab, lodǝdarŋab̃u, lugam dan nab̃ur. Lǝsakel mai avan ideh husur lotomǝtahw.

[Len natosian galevis ta sutuai, Mak 16: 9–20 eb̃uer.]

AYesu evisi hǝn aMeri ta Maktala

(Mat 28.9–10; Jon 20.11–18)

Nǝboŋ aYesu tole mǝhat dudulan som̃ilan len nǝmariboŋ metǝkav hǝn nawik, nǝvanuan tovisi hǝni metǝkav, aMeri ta Maktala. Evi aMeri enan, aYesu tohut natǝmat tomǝlevru dani. 10 AMeri ivan, ikel uri mai alat lototah mai aYesu, lotololosa, lototaŋ. 11 Nǝboŋ lotosǝsǝloŋ hǝn aYesu tomaur tǝlmam, ale aMeri toke torisi, lǝsadǝlomi.

AYesu evisi hǝn ahai susur eru

(Luk 24.13–15)

12 A tahw, aYesu evisi hǝn ahai susur eru san artoyar husur nap̃isal dan naut a Jerusalem. Be len nǝboŋ enan, ehum niben totile. 13 Alaruenan arotǝlmam vi Jerusalem, lukel ur nǝsa tovisi mai ahai susur lotosuh ei. Be lǝsadǝlom nǝsa gǝlar am artokele.

AYesu evisi hǝn ahai susur tosǝŋavur pisan tosua

(Mat 28.16–20; Luk 24.36–49; Jon 20.19–23; Uman 1.6–8)

14 A tahw tǝtas am, nǝboŋ ahai susur tosǝŋavur pisan tosua lotohan, aYesu evisi hǝn galito. Isor len galito husur lotopar dǝlomian mai nǝkadulit tohaihai husur lǝsadǝlom na-kel-uri-an silat lotorisi.

15 Beti ikel mai galito ke, “Mǝtevi lan naut p̃isi len navile a pan, mitikel ur na-kel-uri-an tovoi mai nǝvanuan gail p̃isi.
16.15 Nǝboŋ aYesu tokǝmaienan, savi nǝboŋ tohan mai ahai susur san gail, be len nǝboŋ tile am.
16 Nǝvanuan todǝlom na-kel-uri-an tovoi, tobaptais, aGot dereh tilav kuvi dan nǝsaan san. Avil nǝvanuan sadǝlomi, aGot dereh tisab̃ sǝhoti ke timaspanis. 17 Ale namerikel galegai dereh levisi mai alat lotokad nadǝlomian: len nahǝsagw dereh lehut natǝmat gail, lisor len nasoruan veveu gail. 18 Dereh lipat nǝm̃at gail, tǝgau hǝn navǝlalito; lǝb̃emun nabehi hǝn nǝmatan, asike emǝdas galito. Dereh leriŋ navǝlalito len alat lotomǝsah, ale limaur.”

AYesu evi mǝhat vi lan nǝmav

(Luk 24.50–53; Uman 1.9–11)

19 Nǝboŋ Nasub̃ aYesu tokǝmaienan mai galit tonoŋ, aGot ilavi vi mǝhat vi lan nǝmav, ale ebǝtah tarhǝt len nǝmatu siGot. 20 Beti ahai susur gail luvan, lukel ur na-kel-uri-an tovoi len naut p̃isi. AGot eum mai galito, len namerikel gail igol imasil ke nasoruan san ekitin.

Copyright information for `MASKELYNES