James 4

Mwe'ake'i Napura Vejujina

Irakijara reju'e 'ura'arame 'ee joni vaja 'ajikaravo? 'Ú ijaho iraka ka'ene jara ura renaujipo joni haha pwina vajakaho ajira veju raka? Ja unenu'u 'aho'a ituname ura renau kaivo ja pa'eku jihuna'e ja ea 'aniu'e kwamasahu. 'Ene ja ea 'ahopuni kukua kime 'ekahuna ura renau kaivo pa'eku jihuna'e ja 'arahe 'ee 'uraura. Ja pa'eku jihuni maijaho ja pajarivu jihuna'e avajura. Ja jarivu kaivo pa'eku jihuni maijaho joni oja vwiha ani na'eju'e jarivu jihuna'e pa'ekura. Ja 'ekareje joni ura ijiru veje pa'arehuni jihuna'e pa'ekura. Godoni hura pavenahi'inakije 'Ú ja mwe'a ike'i napura vejujara reju'e Godoni naka rejujaho ja pahene pakavo? Ijihuni hahi ea irara mwe'ake'i napura vehuna ura renujaho hu ori veju'e hu Godoni naka renuna. Ú ja vwihajujaho Godoni irijara 'waramujaho maa pa'a majikari 'warumu raka? Hu 'Avena ka'ene núni vaji Hura vejue hinujaho ura rena paranu. Ijihuni maijaho Huni hura vehuna ura renu. 'Enakaivo Hura maiji vwihani'inijaho ni'ima'ura vajúhuna. Ijihuna'e ija'ina'e 'warumana.

Godiho kehi kehi veji'inijija ura parenu kaivo masuani ajuarasahe hijujihija maiji vwihaniujaho vajihi'ina 'úmana.
Ijihuna'e Godoni hari hiha. 'E'ikaivo 'avena siseijaho roturahe va'ama. 'Ene Godoni nini roa paraha! 'Ejakame Hu joni nini roa paranama. Sisea veji'inakije joni ija sisea sove paranama. 'Ene vwiha no'o no'u'inikije joni oja veje ariramaa rejava. 'Ene temukama para'eje nirame joni sisea ijihuna'e veha. 'Ene veje jara ijasahujaho ta'arohe temuka'e renama. 'Ene temarijaho ta'arohe temuka rena paranama. 10 'Ene Natohwi jihuni una'i ajuarasahe roakame Hura ja ta'arorahama.

Namahujihuni Jujuvu'a

11 Vwehu nune ira kisina 'wame ninakaravi'ina pareha! Ea irara huni vwea ira kisi niname 'ee namahujaho hu varapiji niname 'ee namaha avanu. 'Enakaivo ja varapiji nama'avajaho ja varapa 'ararihai'ina pana kaivo ijí namahi'ina. 12 Ea kwinu Huhusu Varapa vajihi'ina 'ee 'otua heji'ina. 'Ene Hura Huhusu areri ni'ajihu'e maranie 'ee ruarahu'e pa'arejura. 'Enakaivo 'ú a ea irana'omo ea ka'ene oni rori hinujaho namaho?

Ta'arosaravujihuni Jujuvu'a

13 Iviamai ja ea ka'ene ika 'wavujija roha. Iviasina ho niari nú va'e ara kajino juara kwino hine kaukara vene monia rukina reja 'wavura. 14 'Enakaivo a oni hiijara niari roe ichá'ina'e rehunijaho mai'o pahena pakamu. Ja niareri 'imitiepo ajime sama navura'omo tasioma va'uja'ina. 15 'Enajihuna'e ja ika'ina'e 'wahune sa'ina'e avajura. Natohwijara ura re'amajaho nú hine ikaho vene 'ee karaho vehuna 'wahune sa'ina. 16 'Enavo a oni vwiha ija'iniji'i jarika renujaho jarika kajaho sisea. 17 Ijihuni hahi ea irara 'unama arira iraka ka'ene vehunijaho nihene ka'i kaivo ijija pavenujaho hununa'ijaho hu sisea venuna.

Copyright information for `MCQ