Matthew 15

Emahwapuni Tamana Najahajina

(Maka 7:1-13)

'E'eme Parasi 'ee Sikuraipi Jerusaremi rena roajime Jesu apoma ijá 'wavara. Irakijihuna'e Oni tisaiporu núni tamana 'iruma i'i vejujaho ija some ijura kaivo pu núni tamana kaji pataarohe ija paso'i kaivo 'iruma maijo? 'wavara. 'Ejume Hu eha vene ijá 'iama Ja irakijihuna'e Godoni ira pataaro'i

Noinkaivo ja joni tamana vejo?
'Ejume Godira ika'ina 'warumana. Ja omahu jona 'ee ohu jopuna ira hene ve'avara. 'Enakaivo ea ka'ene oahona 'ee omahoni ira pataaro'amajaho 'anaa kwa'amana 'úmana. 'Enakaivo jara ika'ina 'wavura Ea irara omaha 'ee oaha ika 'wamujaho nuni unenu'u pina ka'ene nara a ni'ajahune sa'inijaho na Godi nimahuta 'wamujara veju'e omaha 'ee oaha puni hura pavenu jihuna'e Godoni irijaho tauvo joni tamaneru vejura. 'Enakaivo ja niho'o ea ira'asima'ura. Poropeti Aisea ja ronarena ika'ina 'waramana.

Ea kijahija iraru Nuni iha ta'arohura kaivo puni oja pamihura. 'E'avajihuna'e pu majikari oja mihura. 'Ene pura najahujaho ema puni tamaneru najahura 'iamana.

Uneunecha Ka'ene Veju'e Emahuni Kara Siseranujina

(Maka 7:14-23)

10 'E'ikaivo Hu ea mapoka 'waramarena ijá 'iama Hami ataa apúsame hene veha. 11 Uneunecha ka'ene ema puni ira vaji va'e kamaa 'arihujipo vena'e pu sisea rehuna pana kaivo emaapuni ira titi iki kahi ajima roe 'waramujara reju'e pu sisea rejura 'iamana. 12 'Ejumakame Huni tisaiporu Huni roe apoma ijá 'wava Parasiepo Ara vu'a ka'ene 'waramu kaji henare'e oja ajinamujaho A vi heno? 'wavara. 13 'Ejumakame Jesura eha vena ijá 'iama Uneunecha ka'ene Nuni Oma ka'ene akúpa 'ahi hinujara pavenajijahija niho'o túna'i jahena ato'aruve parahuna. 14 Makiha! Pu nia supavi'inapo nia supavi'ina aherama va'u. 'Ena'omo ea nia supavi'ina pini ei nia supavi'ini pini ahema va'amajaho pu no'o va'e ma'oi arihuna 'iamana. 15 'Ejume Pitara eha vene Hu ijá 'wama Ike haa kehuni maiji 'waruve heja 'wamana. 16 'Ejume Jesura ijá 'iama Ja 'u'o niho'o mai'o pahejo? 17 Ja niki'eju'e uneunecha ka'ene iri titi va'ujaho va'e tea vaji va'are'e va'e kama'i usevure? 18 'Enakaivo uneunecha ka'ene kamino oja vaji rena roe ira titi usemujara veju'e ea sisea renuna. 19 Ijí oja vaja kajino rena rou kajara veju'e sisea vwihane 'ee ea 'aniu kwamasahe 'ee 'uasa vene ea 'ahopuni napara turame 'ee nesa apene ira'ata vene 'ee ira sisea karokaha 'wavura. 20 Ijipo venaukame ea sisea rejura. 'Enakaivo ija paso'i kaivo ja 'iruma iju kajara reje ea sisea vehuna niho'o pa'amaa 'iamana.

Sairopinisia Naparijihuni Nimai Roijina

(Maka 7:24-30)

21 'E'ikaivo iji'a Jesuho ara kajaho are'i kaivo 'urine va'e Taia 'ee Sairani va'ana. 22 'Ejumakame napara pina Kenani ora'omo roe Jesu ijá 'wama Natohwa ka'ene Teviti oni Hariha karera numirima! Ijihuni maijaho 'avena sisei nuni 'apaja ajime apene sise'i 'ahaunakúne 'wamana. 23 'Enakaivo Jesuho niho'o eha pina pa'waramana. 'E'eme Huni tisaipuru roe 'ejahae ijá 'wava Hu roe núni túna'akino 'umena apene onukúne 'warave va'ama 'wavara. 24 'Ejume Hu eha vene pu ijá 'iama Na ranamiume iki roujihuni maijaho Na Jua punijihuna'e routa 'iamana. 25 'E'eme ijí napara kajaho ni'aha kwino roe Huni mumora rora kajino nitupari savi'i ijá 'wama Natohwe ni'ajiha 'wamana. 26 'Ejume Hu eha vene ijá 'wama Nú kasima puni puretia pa'eke 'ua puni ato'aruvura 'wamana. 27 'Ejume napara kajara ijá 'wama Natohwe nimaa'e 'ua 'u'o emahwapo 'iruma i'eju'e sahurapo arihujaho ijura 'wamana. 28 'Ejume Jesura eha vene ijá 'wama Naparakera ara raka ka'ene nimaa ronujihuna'e a raka ka'ene ura renaujaho mara'enakúnina 'wavume ni'aha kwino huni 'apaja kajaho maranana.

Jesu Ea Mapoka Venaume Maraniajina

29 'Ejumakavi'i Jesuho ijí Karari soha rora kaji va'e huri'a 'ahi asuma hinana. 30 'E'eme ea mapoka mapoka ea puna ka'ene mumora sisea 'ee nia supavi'ina 'ata 'ajoasahi'ina ira pa'ana 'ee 'aho'a kajihi pu'úmo 'eka roe Jesuni mumora rori useume Hura vejume maraniara. 31 'Ejumakame ea mapoka niho'o oja hwa'usahara. Ijihuni maijaho pu ka'eme ea ka'ene mumora siserani'ina maraniume nia supama'ina niriume ira pa'ana ira 'waravumakame ijihuna'e pu Isureri opuni Godiji ta'arohara.

Jesura Ea Mapoka (4,000) Túasamahajina

(Maka 8:1-10)

32 'E'ejume Jesura Huni tisaiporu 'umenaume pu Huni roume ijá 'iama Na niho'o natohwa temukimu jihuni maijaho ea kakija ikino nú pu'úmo unenu'u pina pai'i kaivo mahi'eme na'ia no'opisu pa'arenana'omo Na pu irechamie matuna'eje vahunijaho Na ura pareniu. Ijihuni maijaho pu puni ari use'iroreje va'eje niho'o matuname nii hwerave ohuna 'iamana. 33 'Ejume Huni tisaiporupo Hu ijá 'wava 'Ú nú nechi rirakaho 'iruma ichihi areri eaka mapokakipo ije areri renahunijaho 'eka'eja? 'wavara. 34 'Ejume Jesura ijá 'iama Núni puretia icharu navo? 'iavume pu ijá 'wava Iropu no'ona. 'Ene kija ma'u'umaa makwinu kwinu navu 'wavara. 35 'Ejume Jesura eaka mapoka kajija 'waravume mwe'i hijasavara. 36 'Ejumakivi'i Hu puretia iropu no'one 'ee kija kajihi pu'úmo Godi teimani 'wa'ika'i tuachame Huni tisaiporu vajihume pura 'eke eaka mapoka kajija vajihara. 37 'Ejume pu ijume tú'ama para'eme pwina'a ka'ene navajija Huni tisaiporupo katija iropu no'o 'eke vejume itu'usahara. 38 'Enakaivo parua ka'ene 'iruma kaji ijajija ea niho'o mapoka mapoka (4,000) ijara kaivo napara 'ee kasima patahara. 39 Iji'a Jesura eaka mapoka kajija irechamiume va'eme Hu sisima 'ahi 'ajime Makatani va'ana.

Copyright information for `MCQ