Titus 3

Godoni Eapo Kara Ichá'ina Vehunijina

Kú'o huri 'warave pu vwiha'avara. 'Ene puni 'ajoha'ina 'ee kamatia puni hari hine puni ira hene ve'avara 'ee mamaaru vehuna'e amairiaravi'i hi'avara. Pu ea 'aho'a paronahe 'warame 'ee pa'urara'avara kaivo ea 'ahopuna'i mamaa vene 'ee ea 'aho'a oja vwihani'avara. Nú marako'a hami pavwihane 'ee vuataa pahene 'ee pisimúu'e nú hahijihuni ura ani ani'ina vene 'ee hahijara teamahuni jihuni pwea rejara. 'Ene sisea vaji hine 'ee ea 'ahopuni kukua kime itunume 'ee senuma paranúe 'ee ea 'aho'a pu'úmo sena vejara. 'Enakaivo Godi ka'ene núni Ni'ajúhi'inijara Hu mamaa vene 'ee ea oja 'ekaujaho najuhana. 'Enarena Hu nú ni'ajúha jihuni maijaho núra uneunecha mamaa arira'e vejakame ijihuna'e ni'ajúhuna pana kaivo Huni numisaraa 'ee Huni 'Avena vajijino kú'o nahenu'e somuhume nú ea maiu'ina rejara. Godira Huni 'Avena Jesu Keriso ka'ene núni Ni'ajúhi'ini jihuni vaji maho'o samuhana. Huni maiji vwihanúani vajijino Hu venume nú ariramaa rejajihuna'e nú nimaa rojujaho majama hihunijaho núni aachia'e renana. Ike vu'a ka'ene nara ja 'waravukija nimaa nimaa'omo na ura ja 'unama kajaho hina 'ejahi'i 'wavakame Godoni eijija na'ia mapoka mamaa kaji vehuniji hami hami 'ajo'avara. 'Ejakame ike 'unamakaho mamaakúne ijara ea ni'aji'amana. 'Ene ja ira ani ani'ina sisea karokaha aposaravura areme amuja nirisaravujaho areme tamana nakaravujija are'avara. Ijija niho'o areri ea pani'ajihunakúne are'avara. 'Ene ija'ina 'unama maa pana. 10 Ei pini ja pu'úmo ahuma hi'i kaivo hu veje ea 'aho'a ani ani vwihaja ka'avajaho 'aha no'o ruvi'i kave pa'areva ka'avajaho rotura'avara. 11 Ea ija'ina 'unama ka'ene maijaho niaremana. Ijihuna'e hu sisea venu. Hu ori'ini huni ahija vene avanuna.

Túchamaa Ichá'ina Vehuniji Najahajina

12 Nara Atemasiho Tichikasi araki ranave oni vuhuna. 'Enakúne hu vu'a ka'amajaho marako 'urine na Nikaporisi hijukúne roe na piuni'amana. Atuata veijaho na roe ijí hihuna. 13 Sinasina 'otua veji'iniji'o Aporasi'o uneunecha ka'ene 'eka vahunijaho ni'ajihakame papivusa'avara. 14 Ehu nuna najahakame kaukara mamaa vene 'ee iviamaa huni temukaho ahija ni'ajihakame pu uneunecha puni iji veji'ina'e re'avara. 15 Ea maho'o iki na hu'úmo hijujipo 'ajoravu. 'Enakúne ea ka'ene nimairoa vaji oja múhujija 'ajora'amana. 'Ene maiji vwihanii'inijara maho'o ja pu'úmuna.

Copyright information for `MCQ