Daniel 11

A lau be Darauese, tau Mede, ena lohia laḡanina gini-gunana ai na tore isi, baina hamomokania bona baina hagoadaia totona.

Mirigini kahana pavapavana bona diho kahana pavapavana

Harihari lau ese hereva momokanina baina hahedinarai henimu. A itaia, pavapava tatoi ma bae tore isi Parasa ai, bona ihahanina ena taḡa ese idia tatoiosi edia taḡa baine hereadia; bena ena taḡa dainai baine goada negana ai, ia ese taunimanima iboudiai lalodia baine ani, Helene basikiana bae hadikaia. Bena pavapava mai siahuna ta baine tore isi; ia baine lohia mai siahu-badana ida, bona ena ura heḡereḡerena ai baine karaia. Baine tore isi murinai, ena basileia baine heḡiḡi rohoroho bona baine hehari, guba laidia haniosi ediai; ia garana basie abia, bona ta ese basine lohiaia mai siahuna ida, iena lohia siahuna heḡereḡerena; badina be ena basileia baine heraḡa oho, idaudia haida ese bae abia, dia idia:

Bena diho kahana pavapavana baine goada, a iena lohia tauna ta ese goada ai baine hereaia, bena ena lohia siahuna na baine herea. Laḡani haida baela, bena bae herohemaino; bena diho kahana pavapavana natuna hahinena na mirigini kahana pavapavana dekena bainela, maino ihavarana totona; a una hahine imana siahuna na basine mia, bona una tau mai natuna ida basie noho daudau; bena una hahine na baine heabi mauri, ia bona ena hesiai hahinedia bona natuna bona adavana.

Unu negadia ai, una hahine ramuna amo e tubu rigidia ta na una tau gabuna ai baine tore isi, bena ia ese tuari oreana baine tuari henia, mirigini kahana pavapavana ena ruma aukana ai baine dae kau, baine ala-ala henidia, bena baine kwalimu. Edia dirava bona edia kaivakuku, e hahetaridia ḡaudia, bona edia sdver bonagold ḡaudia, ḡau namo-hereadia, danu baine abidia, Aigupto baine laohaidia; bena laḡani haida lalodiai ia ese mirigini kahana pavapavana basine tuari henia. Bena hari mirigini kahana pavapavana na diho kahana pavapavana ena tano lalonai baine raka vareai, a ma baine lou, ena tano korikori bainela.

10 Bena ia natuna mamaruanedia bae tuari, tuari oreadia badadia momo bae haboudia, bena bae aru lao, bae utua dae, bae hanai, tuari ma bae laohaia ela bona ena ruma aukana. 11 Bena diho kahana pavapavana na mai baduna ida baine raka lasi, mirigini kahana pavapavana baine tuari henia; orea bada-hereana baine haboua, a una orea na ia imana ai baine heato. 12 Bena hari orea bada-hereana baine darere negana ai, ia lalona baine heagi, bena gerebu gerebu baine hadareredia, to basine kwalimu. 13 Badina be hari mirigini kahana pavapavana ese hutuma ma baine haboudia, ina hutuma ese e haboua guna oreana na baine hereaia; bena laḡani haida baela murinai ia na ma baine tore isi, mai ena tuari oreana badana bona ena kohu momo herea ida.

14 Unu negadia ai hutuma ese diho kahana pavapavana bae tuari henia, bona emu bese korikorina bogaragina amo daḡedaḡe taudia haida bae tore isi, mata-hanai anina ihavarana totona; to basie kwalimu. 15 Bena mirigini kahana pavapavana na bainema, tano baine larebaia heḡeḡe, bena hanua auka-hereana ta na baine abia. Bena diho kahana tuari oreadia na basie gini tutuka, oibe, ena tuari diba-herea taudia na basie gini tutuka, badina be edia goada basine heḡereḡere. 16 A baine tuari henia tauna ese sibona ena ura heḡereḡerena baine karaia; tau ta ia vairanai basine gini diba. Ia na tano herea-daena ai baine gini; idoinai na ia siahuna lalonai baine mia. 17 Ia vairana baine ha-aukaia, ena basileia goadana idoinai ida bainema, herohemaino herevadia baine mailai, bona karadia baine kara. Hahine herea-daena baine henia, basileia ihabua-tarina helaoreana; a anina basine vara bona basine durua. 18 Gabeamo ia talaina na kone tanodia baine henidia, bena momo herea baine abidia. A tuari lohiana ta ese ena hekokoroku baine laoa ahu; momokani, ma baine haloua ia latanai. 19 Bena talaina na ena tano korikori gabudia aukadia ma baine heni; a baine hetutuhi, baine hekida diho, bena ta ese basine davaria.

20 Bena tau ta baine tore isi, ia gabuna ai baine gini; una tau ese heaiva monina igwauraina tauna ta baine siaia lao, ena basileia kahadia herea-daedia iboudiai lalodiai; a dina hida hona baela, bena haida ese bae alaia, dia badu ai bona dia tuari ai. 21 Ia gabuna ai bonegita tauna ta e tore isi, pavapava dagina asie henia tauna; ia na baine gini lasi kava, boga-alaga herevadia amo basileia na baine abia. 22 Tuari oreadia na ia vairanai bae hedaro oho, bae karoho rohoroho, bona herohemaino lohiana danu. 23 Ia ida bae herohemaino negana amo, ia na baine kara koikoi; bena orea maragina ida baine goada. 24 Tano ena taḡa-herea gabudia ai baine hedinarai kava, bena tamana bona tubuna asie kara karadia baine kara, dadidadi bona henao kohudia bona ḡau idau-idau na bogaragidiai baine ḡiḡidia rohoroho. Gabu aukadia ihabua-taridia daladia baine lalo hata, a basine maivalo. 25 Bena tuari oreana badana amo ena siahu bona ena haheauka baine habadadia, diho kahana pavapavana ihadikana totona; bona diho kahana pavapavana danu tuari oreana bada-hereana bona goada-hereana amo baine tuari; a basine gini tutuka, badina be haida ese ia ihadikana totona bae henega bou. 26 Ena aniani gaiho-lia bae ani taudia ese danu bae hahekwakwanaia; ena tuari oreana baine hedaro oho, bona hutuma na ala-ala ai bae hekida diho. 27 A hari pavapava raruosi be kara dika bae uralai bada; pata tamona ai koikoi herevadia bae gwaurai, a anidia basie vara; badina be dokona be dohore, vada e gwauraia guna negana ai mo. 28 Bena ena tano korikori baine lou henia, mai taḡana ida; a lalona ese herohemaino helaḡana baine dadaraia. Ena ura baine karaia, bena ena tano korikori baine lou henia.

29 E gwauraia guna negana ai ia ma baine lou lao, diho kahana; a ina negana ai nega gunana heḡereḡerena ai basine vara lou. 30 Badina be Kitim lagatoidia na ia ihadikana totona bae mai henia; bena ia na baine gari, baine raka oho, mai baduna ida baine lou lao, herohemaino helaḡana ihadikana karadia baine kara. Baine lou lao, herohemaino helaḡana e rakataniamu taudia baine kamonai henidia. 31 lena tuari oreadia haida bae hedinarai, dubu bona ruma aukana bae hamirodia, bona ḡole-oho boubouna, e heni louloumu ḡauna, bae abia oho, bona ḡau dika-rohorohona, hahevahu ḡauna, bae haginia. 32 Herohemaino e hadikaiamu taudia na boga-alaga herevadia amo baine dibaganidia; a edia Dirava dibadia taudia na bae gini tutuka-tutuka, bona edia kara bae kara. 33 Aonega taudia hahidaosi taunimanima bogaragidiai e nohomu ese hutuma na bae hadibadibadia; ḡau tamona idia na dare bona lahi hururu-hururuna bona abi-mauri bona dadidadi amo bae dika, dina haida lalodiai. 34 Bae dika negana ai, idia ese hekaha taina bae davaria. Hutuma na ediai bae tao, mai edia boga-alaga herevadia ida; 35 aonega taudia haida bae hekida diho, ihanamodia bona ihaḡoevadia bona ihakurokurodia totona, ela bona nega dokona, badina be vada e gwauraia guna negana na do se kau.

36 Hanua pavapavana ese ena ura heḡereḡerena baine karaia; sibona baine heimodai, sibona baine heaḡi, dirava iboudiai daediai, bona hoa herevadia baine gwaurai, dirava edia Dirava latanai. Namona baine hesiriu, ela bona badu baine guguru; badina be vada e gwawaia hata karana do baine hekara. 37 Senena edia dirava eiava hahine e lalokau heniamu diravana na basine kamonai henidia; bona dirava idauna ta basine kamonai henia, badina be sibona baine heimodai, dirava iboudiai daediai. 38 Idia gabudia ai ia ese gabu aukadia diravana baine imodaia; senena asi dibadia diravana na goW bonasilver , dava-bada nadidia bona davabada herahia gaudia, amo baine imodaia. 39 Gabu auka-hereadia baine hadareredia, dirava idauna ta ena hekaha dainai; bae abiabiraia taudia na ia ese baine imodaidia bada. Ia ese hut uma ilohiadia ai baine halaodia, bona dava bagunai tano baine haria.

40 Nega dokona ai, diho kahana pavapavana ese baine tuari henia; a mirigini kahana pavapavana ese baine heau henia, koe-hirihiri na heto, mai ena kariota bona ena hosi-gui taudia bona ena lagatoi momo ida; tano haida baine lao henidia, baine ha-utudia dae, ma baine hanai. 41 Tano herea-daena lalonai baine kau. Gerebu gerebu bae hekida diho, a ini na id imana amo bae roho mauri: Edom bona Moab bona Amono besena kahana badana. 42 Tano idau-idau ihadikadlia totona ia ese imana baine toia roro; Aigupto tanona danu basine roho mauri. 43 Aigupto ena dava-bada ḡaudia,gold bonasilver ḡaudia bona ḡau namo-hereadia iboudiai, biagudia ai bainela; bena Libia bona Etiopia taudia ese ia bae ḡavaia. 44 A sivarai haida mairiveina kahana bona mirigini kahana amo baema, bae hagaria; bena ia na mai badu-ḡaraḡarana ida baine raka lasi, hutuma baine aladia ore bona baine habuadia tari helaoreana. 45 Ena kalaga herea-daedia na davara bona ororo helaḡana mai hairaina padadiai baine haginidia; ḡau tamona ena doko negana baine kau, una negana ai ta ese basine kahaia.

Copyright information for `MEU