Hebrews 3

Iesu na hahelaḡa tauna badana

Taunabunai, varavaragu helaḡamui e, umui danu Dirava ena boiboi ai e lalomui kau taumui, Iesu ba haeroa. Eda kamonai ai, ia na Dirava ese e siaia, eda hahelaḡa tauna badana. E siaia Diravana na ia ese e kamonai henia, Mose ese Dirava ena bese lalonai e kamonai henia heḡereḡerena. A ia ese hairai badana vada e abia, Mose ese hairai maraḡina e abia. Una danu namo; heḡereḡerena be ruma ikarana tauna e matauraia badamu, a e karaia rumana e matauraia maraḡimu. Badina be ruma iboudiai na mai ikaradia taudia, a ḡau iboudiai ikaradia be Dirava. Mose ese Dirava ena bese idoinai lalonai hesiai ḡaukarana e karaia ḡoevaḡoeva mai kamonaina ida, do bae gwaurai ḡaudia ihahedinaraidia. A Keriso ese Dirava ena bese e biagua mai kamonaina ida, badina be ia na natuna dainai. lta na iena bese, eda haheauka bona eda helaro moaledia ta badinamu dainai.

Badina bunai Lauma Helaḡa na e tomu,

Hari dina ai gadona boma kamonai,
Lalomui basio ha-auka, Dirava o dadaraia negana ai na heto,
Hedibagani dinana ai tano ḡaḡaena ai na heto;
Una negana ai senemui ese e tohoguva,
Bona laḡani hari-ahui lalodiai egu kara e itava.
10 Badina bunai, una uru na badu heniava,
Nato “Vaevae laJodia e kereremu,
Egu dala danu asi dibadia.”
11 Bena egu badu ai na gwau hamata,
Nato “Egu laḡa-ani ai basie raka vareai”.
12 Varavaragu e, nahuamui ba toho, ta ese lalona baine hadaia kerere, asi ena kamonai, bena Mauri Diravana baine rakatania na garina. 13 A daba daba idoidiai ba hahealo heheni, doini “Hari dina” ta gwauraiamu negana ai, kara dika ena koikoi ese lalomui baine ha-auka na garina. 14 Badina be ita na Keriso bamona, una dainai eda heabidadama baita badinaia tarikatarika, matamana amo ela bona dokona. 15 Vada e hereva heḡereḡerena eto,

Hari dina ai gadona boma kamonai
Lalomui basio ha-auka, Dirava o dadaraia negana ai na heto.
16 Daidia gadona e kamonai, to ena badu e havaraia? Mose ese Aigupto amo e hakaudia lasi taudia iboudiai, ani? 17 Bona laḡani hari-ahui e badu henidiava taudia be daidia? Kara dika taudia, tano ḡaḡaena ai e mase ore, ani. 18 Ma daidia ia ese e gwau henidia hamata, ena laḡa-ani ai basie raka vareai eto? Cwau-edeede taudia, ani? 19 Taunabunai vada tame diba, asi edia kamonai dainai asie raka vareai.

Copyright information for `MEU