Isaiah 30

Aigupto iabidadama-henina na kavakava

Iehova na e tomu, Gwau-edeede memerodia madi ihabaidia!
Idia edia lalo-hata karadia e karamu na dia lauegu;
e henega boumu, to dia lau laumagu ai;
unu amo kara dika na kara dika latanai e atoa kaumu.
Idia vada e tore isi, Aigupto baela e tomu,
a lauegu hahealo asie tahua;
Farao ena hegima lalonai bae roho mauri,
bona Aigupto ikerukeruna ai edia hemetai gabuna bae tahua e tomu
Taunabunai Farao ena hegima na ihahemaraimui ḡauna,
bona Aigupto ikerukeruna hemetaina ese baine hahemaraimui bada.
Badina be, ena be ena heitatao taudia na Soan ai,
bona ena gwaukau taudia na Hane ai vada e kau,
to iboudiai na hemarai ese e abidiamu,
basine hadavalaidia diba besena dainai;
una bese ese se kahadiamu bona se hadavalaidiamu,
a hemarai bona hedadarai mo latadiai e hadihomu.

Maduna metauna diho kahana boromadia latadiai:
Hekwarahi bona hisihisi-bada tanona,
leona hahinena bona leona maruanena edia tano,
hekori gaigaina bona roho gaigaina edia tano amo,
idia ese edia taḡa ḡaudia na doniki dorudia ai e laohaimu,
bona dava-bada kohudia na kamelo dorudia ai,
basine hadavalaidia lou diba besena taudia dekedia.
Badina be Aigupto ena hekaha na asi namona bona asi anina,
una dainai ladana vada na hatoa;
“Rahaba
“Rahaba” na Heberu taudia edia gori ḡauna ta, gadobada ai e nohova ḡauna, ladana .
e helai kavamu”.

Aola, huro-nadina palaka-palakana ai ba torea, idia vairadiai,
bona buka lalonai danu ba torea;
bena nega vairai ia na ihamomokanina ḡauna ai bainela,
ela bona hanaihanai.
Badina be idia na gwau-edeede besena,
koikoi memerodia,
Iehova ena hahediba herevadia
ikamonaidia asie uramu memerodia.
10 Idia ese mata-hanai taudia e hamaorodiamu,
e tomu, Basio mata hanai;
bona peroveta taudia e hamaorodiamu,
e tomu, Hereva maoromaorodia basio perovetalai henimai;
hereva gaihodia mo ba hamorolaimai,
bona lalomai ikoidia herevadia ba perovetalai;
11 dala ba rakatania, dala amo ba raka oho,
Israel ena Helaḡa Diravana herevana basia kamonai lou.
12 Taunabunai, Israel ena Helaḡa Diravana ini e gwau tomamu:
Badina be ina hereva o dadaraiamu,
bona hahehisi karadia bona kara gageva-gagevadia
o abidadama henidiamu bona ediai o taomu;
13 una dainai ina kara havara na emui ai baine vara,
hara-lata maḡuna e heḡiḡi dobimu na heto;
e pavamu ela bona heḡiḡi-dobina e kahira-kahiramu,
bena negana e kaumu ai, nega tamona ai e heḡiḡi dobi takumu;
14 eiava uro e makohimu na heto;
e makohi rohorohomu, e makohi patapatamu,
ela bona atagana ta se miamu,
gida iudalaina heḡereḡerena,
eiava ranu ikadolaina heḡereḡerena.

15 Badina be Ḡaubada Iehova, Israel ena Helaḡa Diravana,
ini e gwau tomamu:
Emui lou ai bona emui laḡa-ani ai ba mauri;
bona maino ai bona heabidadama ai goada ba davaria.
A umui na asio ura,
16 oto “Lasi, hosi ai baia heau”;
taunabunai ba heau oho haraḡa;
ma oto “Hosi mai heaudia latadiai baia gui”;
taunabunai, ihahavamui taudia na bae heau haraḡa-haraḡa.
17 Taunimanima daha-ta bae heau, tau tamona ese baine halalaḡadia dainai;
bona tatau laima ese bae halalaḡamui dainai umui na ba heau;
ela bona ba noho, au-tubua ta ororo dorina ai
eiava pepe ta ororo ai na heto.

Dirava ena gwauhamata ena bese taudia edia

18 Taunabunai Iehova na e henarimu, baine hanamomui e tomamu;
taunabunai ia na e tore isimu, baine bogamui hisi e tomamu.
Badina be Iehova na hahemaoro ḡoevaḡoeva Diravana;
ia e nariamu taudia iboudiai na nanamo.

19 Oibe, Siona taumui, Ierusalem ai o nohomu taumui, umui na basio taitai lou. Momokani, emui taitai reḡena dainai ia ese baine hanamomui; baine kamonai negana ai baine haere henimui. 20 Ena be Ḡaubada ese hahedika anianina bona hahehisi ranuna baine henimui, to emui Hahediba Tauna na basine komu lou, a matamui ese emui Hahediba Tauna bae itaia. 21 Bona idibamui kahana ai eiava laurimui kahana ai ba raka siri negana ai, taiamui na hereva ta murimui kahana amo bae kamonai, baineto, Dalana binai, ia lalonai ba raka. 22 Bena emui kaivakuku, e korodia benasilver amo e ḡovadia ḡaudia, bona e hahetaridia benagold amo e ḡovadia ḡaudia, na ba hamirodia. Ba ḡiḡidia rohoroho, ḡau mirodia na heheto. Ba hamaorodia, baoto, A siri.

23 Bena ia ese medu baine henimui, tano ai ba hado uhedia idairidia, bona uit danu, tano anidia, bae namo bona bae momo. Una dina ai emui boromakau na rei gabudia badadia ai bae aniani; 24 bona boromakau mamaruanedia bona doniki, tano e ruaiamu ḡaudia, ese aniani mai damenana bae ania, gaga bona igau amo vada e hididia ḡaudia. 25 Ororo badadia bona ororo latadia iboudiai latadiai sinavai maraḡidia bae aru diho, ala-alabadana dinana ai, kohoro bae heḡiḡi dobi negana ai. 26 Ina danu, hua diarina na dina diarina heḡereḡerena ai bainela, bona dina diarina na baine habadaia hahitu, dina hitu diaridia heḡereḡeredia, Iehova ese ena bese taudia edia hisi gabudia baine kumidia bona ena hebota amo vada e havaradia berodia baine hanamodia dinana ai.

Iehova ena hahemaoro Asuria latanai

27 A itaia, Iehova ladana na dauha amo e maimu;
ena badu e garagaramu, bona kwalahuna e dae badabadamu.
Ia bibinana na badu ai e honumu,
bona malana na e heara oremu lahina na heto;
28 ia lagana na sinavai abatana na heto,
e utu daemu ela bona taunimanima aiodia.
Basileia idau-idau na hahebua-tari amo baine hididia,
bona bese idau-idau aukidia ai ihakau-kereredia ḡauna baine atoa.

29 Ane ta bavabia, aria helaḡana e karaiamu hanuaboina ai na heto; bona lalomui bae moale mai ivilikou reḡena ida, Iehova ena ororo, Israel nadi-ginina, ilao-henina totona e tore isimu negana ai na heto. 30 BenaIehova ese ia gadona herea-daena baine hakamonaidia bona ia imana ehadihoamu hebotana baine haheitalaidia, mai badu-ḡaraḡarana bona heara-orelahina hururu-hururuna ida, bona mai medu-barokona bona lai-gubana bonamedu-hetarina ida. 31 Asuria taudia na gari ese baine butudia tao, Iehovagadona dainai, ena au amo baine hebota negana ai. 32 Iehova ena dava ihenina auna amo baine botadia negana ai, hebota ta ta ai tareko bona gitara reḡedia bae dae; ia na imana irubena amo baine tuari henidia. 33 Badina be lahi gabuna na idau nega ai vada e heḡaeḡaelaia; oibe, vada e abia hata, hanua pavapavana ena; vada e hadobua bona lababana vada e habadaia, mai lahina bona au-rakurakuna momo herea ida. Iehova laḡana, heara nadidia e arumu na heto, ese e haraiamu.

Copyright information for `MEU