Isaiah 54

Iehova ese Israel e lalokau henia hanaihanaimu

Gabani hahinemu e, asi natumu hahinemu e,
ane avabia !
Nega ta hekamonai hisina so abia hahinemu e,
ane ba lada isi, ba lolo badabada!
Badina be Iehova na e tomu:
Hane vado natuna-bae hutuma,
a vada e headava hahinena natuna na basie hoho.
Emu dabua kalagana ba habadaia,
emu kalaga dabuadia ba veridia roro;
basio halahe, emu kwanau ba halatadia,
bona emu ikoko ba ha-aukadia.
Badina be umui na ba pere rohoroho, idiba kahana ai bona lauri kahana ai,
bona oi garamu ese basileia idau-idau bae abidia,
bona vada e vahu hanuadia bae noholaidia.

Basio gari, badina be oi na basio hemarai;
basio baia, badina be haida ese basie hahemaraimu;
badina be eregabemu negana hemaraina ba laloa boio,
bona vabumu negana hemaraina basio laloa une.
Badina be Ikaramu Diravana na oi adavamu,
ia ladana na Iehova Sabaota;
Israel ena Helaḡa Diravana na oi Ihamaurimu,
tanobada idoinai Diravana e gwauraiamu.
Badina be Iehova ese vada e boirimu,
vada e hadihoa bena lalona e hisihisimu hahinena na heto,
eregabena ai e hadihoa hahinena na heto.
Emu Dirava vada e herevamu.
Nega sisina mo na rakatanimu,
a mai hebogahisi-badagu ida baina haboumu.
Egu badu e hepurai dobi dainai
nega sisina lau vairagu na emu amo na hunia;
a mia-hanaihanai helalokauna amo baina bogamu hisi.
Iehova, Ihamaurimu Diravana, vada e herevamu.

Badina be ina na Noa ena nega na heto lauegu ai:
lau na gwau hamata, Noa ena ranu ese tanobada basie utua dae lou nato,
una heḡereḡerena vada na gwau hamata, basina badu henimu,
bona basina gwau henimu.
10 Badina be ororo badadia na readia dauha baela,
bona ororo maraḡidia na readia bae heabi oho,
a lauegu hebogahisi ese basine rakatanimu,
bona egu maino gwauhamatana na basine heabi oho.
Iehova, e bogamu hisimu Diravana,
vada e herevamu.

Ierusalem matamatana

11 O hisihisimu, o hegure-heguremu hanuana,
taumu asi ihalona hanuana,
a itaia, emu nadinadi na puku nadidia bogaradiai baina atodia,
bona badimu na sapairo nadidia amo baina kara;
12 kogemu na kadakodo
Puku, sapairo, kadakodo. Ini na Heberu taudia edia herahera nadidia haida ladadia.
nadidia amo baina kara,
bona ikoukoumu nadi hururu-hururudia amo,
bona emu haba idoinai dava-bada nadidia amo.
13 Natumu mamaruanedia iboudiai na Iehova ese baine hadibadia;
oibe, natumu mamaruanedia edia noho na baine namo herea.
14 Kara maoromaoro ai do baina haginimu,
hahehisi karana amo dauhai ba noho, badina be basio gari,
bona hahegari karana amo danu, badina be basine kahi henimu.
15 Ta ese heiri-heiri bema havaraia,
unu na dia lauegu amo;
baine heiri-heiri henimu tauna na
oi daimu ai baine moru.
16 A itaia, lau ese auri iḡaukaralaina tauna vada na karaia;
ia ese lahi e hahururuamu, bena tuari ḡauna e karaiamu,
bae tuarilaia helaoreana.
Lau ese ala-ala tauna danu vada na karaia, hahebua-tari totona;
17 tuari ḡauna ta oi ihadikamu totona e karaiamu na
ena ḡaukara anina basine vara;
bona hahemaoro ai bae habadelaimu herevadia iboudiai na
oi ese ba laodia ahu.
Ina na Iehova ena hesiai taudia ahudia,
bona igwaurai-maorodia lauegu amo.
Iehova vada e herevamu.
Copyright information for `MEU