Jeremiah 10

Dirava koikoina: Dirava momokanina

Israel besena e, Iehova ese e hereva henimu herevana na ba kamonai!
Iehova na ini e gwau tomamu:
Basileia idau-idau edia dala basio hahedibalai,
bona guba toadia basio garilai,
basileia idau-idau ese e garilaidiamu dainai;
badina be bese idau-idau edia kara na kokoikoi.
Uda auna ta e hagariamu,
bena ima-idibaka tauna ese ira amo e haḡoevaiamu;
taunimanima esesilver bonagold amo e ḡovaiamu,
bona lavu bona ikoko amo e kokoa kaumu,
ia basine marere-marere helaoreana.
Edia kaivakuku na manu ihagaridia ḡaudia kiukamba umana ai na heheto;
idia na asi hereva dibadia.
Haida ese e huadia loaloamu,
badina be asi raka dibadia.
Garidia basio gari,
badina be dika ikarana asi dibadia,
bona namo ikarana danu asi dibadia.

Iehova e, oi na asi idaimu;
oi na bada, bona oi ladamu siahuna na bada.
Bese idau-idau edia pavapava e!
Daika ese basine gari henimu?
Badina be oi ahumu korikori bunai.
Badina be bese idau-idau edia aonega taudia iboudiai bogaradiai,
bona edia basileia iboudiai lalodiai,
oi na asi idaimu.
Idia na lalo-duhu bona kavakava ḡaudia;
kaivakuku edia hahediba na au ena mo.
Silver , e botaia palakamu ḡauna, na Tarasisi amo e mailaiamu,
bonagold na Ufasa amo.
Ikaradia na ima-idibaka taudia edia ḡaukara,
bonagold iḡaukaralaina taudia imadia ḡaukaradia;
edia dabua na ḡahukaḡahuka bona mia-kaka,
iboudiai na ima-idibaka taudia ese e karadia.
10 A Iehova na Dirava korikorina;
ia na mauri Diravana bona noho-hanaihanai Pavapavana.
E badumu negadia ai tano e lagamu;
ena badu henunai basileia idau-idau na asi haheauka dibadia.
11 Taunabunai ini ba hamaorodia toma, baoto: Guba bona tanobada asie karadia diravadia na tanobada amo bona guba henuna auno bae boio.

12 Ia ese ena siahu amo tanobada e karaia,
bona ena aonega amo tanobada idoinai e haginia,
bona ena lalo-parara amo guba e idia roro.
13 Ia e herevamu negadia ai, ranu na e heguruamu guba ai;
ia ese ninoa e hadaeamu, tanobada dokodia amo.
Ia ese medu kevarudia e halasidiamu,
bona lai na ena habou-habou rumadia amo e hakaudia lasimu.
14 Taunaimanima iboudiai na kakavakava bona asi aonegadia,
bonagold igaukaralaina taudia iboudiai na edia kaivakuku ese e hahemaraidiamu;
badina be edia kaivakuku na koikoi ḡaudia,
bona asi laḡadia.
15 Idia na asi anidia, haero-kerere ese e havaradia;
edia dava-abi negana ai bae mase.
16 Iakob ahuna na dia unuheto;
badina be ia ese ḡau iboudiai vada e karadia.
Ia dihina na Israel besena;
ia ladana na Iehova Sabaota.

Iuda ihavahuna

17 Emui kohu ikumidia na tano amo bavabi isi,
umui e daia ahumu hanuana ai o nohomu taumui.
18 Badina be Iehova na ini e gwau tomamu:
A itaia, ina nega ai tano inoholaina taudra na davedia lasimu;
hisihisi na idia latadiai baina mailaia,
bae mamia helaoreana.

19 Madi ihabaigu, egu hisihisi dainai;
vada na bero dikadika.
A lau nato, Momokani, ina na hisihisi ta;
baina haheaukalaia.
20 Egu dabua kalagana vada e ḡiḡia dobi,
egu kalaga varodia iboudiai vada e motu;
natugu ese vada e rakatanigu,
idia na lasihidia.
Asi tauna ta ese egu dabua kalagana baine veria roro lou,
eiava egu seseahu dabuadia baine taudia dae.
21 Badina be mamoe ireḡudia taudia na kakavakava,
idia na Iehova enai asie henanadaimu;
taunabunai edia namo asie habadaia,
bona edia seri idoinai vada e karoho rohoroho.

22 A hakala, hari ta! A itaia, e maimu!
Heloḡo-heloḡo badana mirigini kahana amo e maimu,
Iuda hanuadia ihabua-taridia,
bona uda sisiadia edia komu gabudia ai ihalaodia.

23 Iehova e, lau dibagu taunimanima ena dala na dia ia sibona lalona ai,
bona taunimanima ena raka na ia sibona ese basine gwauraia hidi.
24 Iehova e, egu kerere dodinai mo matagu ba hakania,
dia emu badu ai, ba habuagu tari na garina.

25 Emu badu na ba seia dobi, asie dibamumu basileiadia latadiai,
bona oi ladamu asie hahaneamu besedia latadiai;
badina be idia ese Iakob vada e hadonoa;
vada e hadonoa, vada e ha-orea,
bona ena noho gabuna vada e havahua.
Copyright information for `MEU