Jeremiah 26

Ieremia e tohonaia

Iehoiakim, Iuda pavapavana Iosia natuna, e lohia matama negana ai, ina hereva na Iehova ena amo ema. Iehova na ini e gwau tomamu: Iehova ena dubu maguna ai ba gini, bona Iuda hanuadia iboudiai amo tomadiho totona Iehova ena dubu baema taudia na ba hereva henidia, na haganilaimumu herevadia iboudiai na ba hamaorolaidia; hereva ta basio hunia. Readia bae kamonai, bona iboudiai ese ta ta ena dala dikana ena dala dikana bae rakatani; bena unu amo lau baina helalo kerehai, bona ihadikadia karana, edia kara dikadia daidiai vada na laloa hata ḡauna, na basina karaia. Ba hamaorodia, baoto, Iehova ini e gwvau tomamu: Bema basio kamonai henigu, egu taravatu, vairamui ai vada na atoa ḡauna, lalonai basio raka, bona egu hesiai peroveta taudia, ena be asio hakala to dekemui na siaidia ḡava taudia, na basio hakala henidia; bena ina dubu na Silo heḡereḡerena ai baina halaoa, bona ina hanua na heuduguirai ḡauna ai baina halaoa, tanobada besedia iboudiai ediai.

Hahelaḡa taudia bona peroveta taudia bona taunimanima iboudiai na e kamonai, Ieremia ese unu hereva e gwaurai, Iehova ena dubu lalonai. Iehova ese e haganilaia taunimanima iboudiai baine hamaorolaidia herevadia na Ieremia ese e gwaurai ore; bena hahelaḡa taudia bona peroveta taudia bona taunimanima iboudiai ese e dabaia tao, eto, Oi na ba mase. Ma eto, Badina be dahaka oi na Iehova ladana ai vada o peroveta, oto “Ina dubu na Silo heḡereḡerena ai bainela, bona ina hanua na baine vahu, asi inoholaina” a? Bena taunimanima iboudiai ese Ieremia e daia ahu, Iehova ena dubu ai.

10 Iuda lohiadia ese ini ḡau e kamonai, bena pavapava ena ruma amo e dae lao, Iehova ena dubu ela; bena Iehova ena dubu Ikoukouna Matamatana raka-vareaina ai e helai diho. 11 Bena hahelaḡa taudia bona peroveta taudia ese lohia taudia bona taunimanima iboudiai e hamaorodia, eto, Ina tau na baita revaia mase be namo, badina be ia ese ina hanua ihadikana vada e perovetalaia, umui sibomui taiamui ai vada o kamonai.

12 Bena Ieremia ese lohia taudia bona taunimanima iboudiai na e hereva henidia, eto, Iehova ese e siaigu, vada o kamonai herevadia iboudiai na ina dubu bona ina hanua latadiai baina gwaurai guna. 13 Taunabunai, emui dala bona emui kara ba hanamodia, bona Iehova, emui Dirava, gadona ba kamonaia, bena Iehova na baine helalo kerehai, kara dika na umui latamui ai vada e gwauraia na basine karaia. 14 A lau be umui imamui ai; emui lalohadai namona bona maorona heḡereḡerena ai ba kara henigu. 15 Ḡau tamona ba diba momokani, boma hamasegu, umui ese asi ena kerere tauna rarana na sibomui latamui ai bona ina hanua mai inoholaina taudia ida latadiai boma hadihoa; badina be momokani Iehova ese dekemui e siaigu, ini hereva na taiamui ai baina gwaurai halaoreana.

16 Bena hanua lohiadia bona taunimanima iboudiai ese hahelaḡa taudia bona peroveta taudia na e hamaorodia, eto, Asi badina ina tau baita revaia mase, badina be ia ese Iehova, eda Dirava, ladana ai vada e hereva henida. 17 Bena una tano tau-badadia haida na e tore isi, hebou taudia iboudiai e hereva henidia, eto, 18 Mika, tau Moresete, na Hesekia, Iuda pavapavana, ena nega ai e perovetava; bena ia ese Iuda taudia iboudiai e hamaorodia, eto, Iehova Sabaota na ini e gwau tomamu:

Siona na bae ruaia, biru gabuna na heto, bona Ierusalem baine heḡiḡi dobi,
bona dubu ororona na ororo mai udana ta ai bainela.
19 Hesekia, Iuda pavapavana, bona Iuda idoinai ese e alaia mase a? Ia ese Iehova garina e gari bona Iehova e noia baine lalo namo henia, ani? Bena Iehova na e helalo kerehai, dika idia latadiai vada e gwauraia na se havaraia, ani? A ita ese dika badana na ita siboda latadai baita hadihoamu.

20 Ma lau ta danu Iehova ladana ai e perovetava, ladana na Uria Semaia, Kiriat-iearimi tauna. Ia ese peroveta herevadia na ina hanua bona ina tano latadiai e gwaurai; ena hereva na Ieremia ena heḡereḡeredia. 21 Bena King Iehoiakim, mai ena tuari taudia bona ena lohia taudia iboudiai ida, na iena hereva e kamonai negana ai, hanua pavapavana ese ia iala-masena dalana e tahua. A Uria e kamonai, bena e gari, e heau mauri, Aigupto ela. 22 Bena King Iehoiakim ese tatau haida na Aigupto e siaidia lao; taudia be Elnatan Akaboro bona haida ia ida. 23 Bena idia ese Uria na Aigupto amo e hakaua mai, King Iehoiakim dekenai; bena ia ese dare amo e alaia mase, bena tau-anina na hanua taudia edia gara gabuna ai e negea.

24 A Ahikama Safana imana ese Ieremia e rauaia, una dainai hanua audia imadia ai asie atoa, bena asie alaia mase.

Copyright information for `MEU