Jeremiah 29

Ieremia ena revareva

Peroveta launa Ieremia ena revareva, Ierusalem amo e siaia lao, Nebukadnesara ese Ierusalem amo Babulono e laohaidia unuseni ai e hanohodia taudia edia tau-badadia bona hahelaḡa taudia bona peroveta taudia bona taunimanima iboudiai edia, revarevana herevadia bini. Ina be King Iekonia mai sinana bona mai ena hesiai taudia ida, bona Iuda bona Ierusalem lohiadia, bona ima karakara dibaka bona auri iḡaukaralaina taudia, ese Ierusalem e rakatania murinai. Ina revareva na Elasa Safana bona Gemaria Hilkia, Iuda pavapavana Sedekia ese Babulono e siaidia lao Babulono pavapavana Nebukadnesara dekenai taudia, imadia ai e siaia lao. Ini e torea toma:

Iehova Sabaota, Israel Diravana, ese Ierusalem amo vada e siaidla lao bena Babulono ai vada e hanohodia taudia na ini e hamaorodia tomamu: Ruma ba hagini, bena ba noholai; uma ba kara, bena anidia bavani. Hahine bavadavadia, natumui mamaruanedia bona hahinedia ba havaradia; hahine haida ma bavabidia, natumui mamaruanedia adavadia, bona natumui hahinedia na ba haheadavadia. Bena idia ese natudia mamaruanedia bona hahinedia ma bae havaradia eneseni ai; bena bae hutuma, basie gadoi. A vada na siaimui lao eneseni ai ba noho hanuana ena namo ba tahua, bona Iehova ba ḡuria ia dainai; badina be iena namo ai emui namo ba davaria. Badirla be Iehova Sabaota, Israel Diravana, na ini e gwau tomamu: Emui peroveta taudia bona emui bagu-haoro taudia bogaragimui ai e nohomu ese basie koimui, bona edia nihi sivaraidia basio kamonai; badina be idia ese e hereva koikoi henimuimu lau ladagu ai; lau ese asina siaidia. Iehova na e herevamu.

10 Badina be Iehova ini e gwau tomamu: Laḡani hitu-ahui bae ha-ore Babulono enai, bena baina vadivadi henimui, bona egu gwauhamata na emui ai baina hamomokania, bona baina hakaumui lou mai ina gabu ai. 11 Iehova na e tomu, Badina be egu lalo-hata ḡaudia emui ai na dibagu, ihanamomui ḡaudia, dia ihadikamui ḡaudia, nega vaira ḡaudia bona helaro ḡaudia. 12 Bena ba hahanegu bona igurigu baoma; bena lau ese baina kamonai henimui. 13 Ba tahugu, bena ba davarigu; mai lalomui idoidiai ba tahugu negana ai na 14 ba davarigu. Iehova na e herevamu; ma e tomu, Emui taḡa ma baina henimui lou, bona bese iboudiai bogaragidia amo bona na lulumui lao gabudia iboudiai amo ma baina haboumui. Iehova ma e tomu, Ina gabu amo na siaimui oho dauhai, bona ina gabu ai ma baina hakaumui lou.

15 Umui vada oto “Iehova ese peroveta taudia haida na Babulono ai vada e haginidia eda” dainai, 16 hanua pavapavana, David ena terono ai e helaimu tauna, bona ina hanua e noholaiamu taudia iboudiai, umui varavaramui, abi-mauri ai gabu daudau asiela taudia, na Iehova ese ini e herevalaidia tomamu. 17 Iehova Sabaota na ini e gwau tomamu: A itaia, lau ese dare bona doe bona dai-hanai gorerena na latadiai na siaimu; bona suke huahuadia dikadika, dika-rohoroho dainai basie heani diba ḡaudia, heḡereḡeredia ai baina halaodia. 18 Dare, doe, dai-hanai goreredia amo baina ḡavadia loa, bona hahegari ḡauna ai baina halaodia, tanobada basileiadia iboudiai ediai; idia na ediai vada na luludia lao basileiadia bogaragidiai heuduguirai bona hahegari bona si-dagu bona gwau-tora ḡauna ai baela. 19 Badina be (Iehova na e tomu) egu hereva na asie kamonaidia, egu hesiai peroveta taudia ududia amo na siaidia havara-havara herevadia na asio hakala henidia. Iehova na e herevamu.

20 Umui Ierusalem amo na siaimui lao, Babulono ai, gabu daudau ai, na hanohomui taumui iboumui ai, Iehova ena hereva ba kamonai. 21 Iehova Sabaota, Israel Diravana, ese Ahaba Kolaia bona Sedekia Maaseia, lau ladagu ai e peroveta henimui koikoimu taudia, na ini e herevalaidia tomamu: A itaia, Nebukadresara, Babulono pavapavana, imana ai baina atodia, bena ia ese umui vairamui ai baine aladia mase. 22 Idia daidiai ina heuduguirai herevana na Iuda taudia Babulono ai e hanohodia iboudiai ese bae gwauraia loulou, baeto “Iehova ese Sedekia bona Ahaba, Babulono pavapavana ese lahi ai e gabudia taudia, heḡereḡeredia ai baine halaomui”. 23 Badina be Israel ai vada e kara kava kara kava, bona dekedia taudia adavadia ida vada !l e heuda hanai, bona lau ladagu ai hereva koikoidia, lau ese asina haḡanilaidia herevadia, vada e gwaurai hedinaraimu. Iehova na e tomu, Lau be dibagu, bona na ita ḡaudia na herevalaimu.

24 Semaia, tau Nehelama, na ini ba hamaoroa toma, baoto, 25 Iehova Sabaota, Israel Diravana, na ini e gwau tomamu; Revareva na oi sibomu ladamu ai vada o siai lao, Ierusalem ai e nohomu taudia iboudhi ediai, bona Sefania Maaseia, hahelaḡa tauna, enai, bona hahelaḡa taudia iboudiai ediai, oto: 26 Iehova ese hahelaḡa tauna ai vada e halaomu, hahelaḡa tauna Iehoiada gabuna ai, Iehova ena dubu ba biagua, bona kava taudia iboudiai unuseni ai e perovetamu na aedia bona aiodia hekahi-tao audia ai bavatodia. 27 Be, dahaka dainai hari e peroveta henimumu tauna, Ieremia, tau Anatoto, so gwau henia? 28 Badina be hereva na ai dekemal ai vada e siaia mai, Babulono ai, eto, Emui noho hedoa na baine daudau; ruma ba hagini, bena ba noholai; bona uma ba kara, bena anidia bavani.

29 Hahelaḡa tauna Sefania ese una revareva na peroveta tauna Ieremia vairanai e duahia. 30 Bena Iehova ena hereva na Ieremia enai e kau, eto: 31 Hereva na dauhai e nohomu taudia iboudiai dekedia ba siaia lao, baoto, Iehova ese Semaia, tau Nehelama, ini e herevalaia tomamu: Badina be Semaia ese vada e peroveta henimui bona vada e dibaganimui, hereva koikoina ba badinaia totona, a lau ese ia asina siaia, 32 una dainai Iehova na ini e gwau tomamu: A itaia, Semaia, tau Nehelama, mai garana ida, davadia baina henidia; ina bese bogaraginai ia garana ta basine mauri, bona egu bese taudia baina hanamolaidia karadia basine itaia; badina be Iehova igwau-edeede-henina vada e gwauraia. Iehova na e herevamu.

Copyright information for `MEU