Jeremiah 47

Peroveta herevana Filistia taudia latadiai

Farao ese Gasa do se habuaia tari negana ai, Iehova ena hereva
na peroveta tauna Ieremia enai e kau, Filistia taudia daidiai.
Iehova ini e gwau tomamu:
A itaia, mirigini kahana amo ranu na e daemu,
bena abata na baine lasi;
tano na baine utua dae, bona latana ḡaudia iboudiai danu,
hanua badana danu, mai inoholaina taudia ida.
Taunimanima na bae lolo,
tano inoholaina taudia iboudiai na bae tai lolololo.
Ena hosi mamaruanedia aedia e pana dagumu reḡedia daidiai,
ena kariota edia heau bona ava-keikeidia reḡedia daidiai,
tama ese natudia asie roha kerehai henidiamu,
imadia e manoka-manoka hereamu dainai;
badina be hahebua-tari dinana na e maimu,
Filistia taudia iboudiai ihabua-taridia;
bona Turo bona Sidono ikahadia taudia oredia
iboudiai na bae negedia daure.
Badina be Iehova ese Filistia taudia e habuadia tarimu,
Kaftoro konena taudia kwabukwabudia.
Gasa kwarana e naua,
Askelono vada e mase.
Anakimi taumui kwabukwabumui e!
Sibomui ba heiva ela bona edena nega ai?
Iehova ena dare e !
Edena nega ai asi regeregemu ba noho?
Pauamu ai ba heuda,
ba laḡa ani, basio marere-marere.
Iehova ese e haduaiamu negana ai,
asi reḡereḡena baine noho dalana be edena?
Ia ese vada e duanaia,
Askelono bona kone kahadia baine hadikadia.
Copyright information for `MEU