Job 19

Iobu na e haere

Bena Iobu e haere, eto:

Ba hahisihisigu ela bona edena nega ai?
Hereva momo amo lalogu ba hadikaia rohoroho ela bona edena nega ai?
Ini nega gwauta vada o gwau henigu.
Umui ese o hadikagumu na asio hemaraimu a?
Bema momokani vada na kerere,
to kerere be lau sibogu latagu ai.
Bema momokani ihadikagu o goadalaiamu
bona egu hemarai o herevalaiamu lau ihabadelaigu,
to ba diba, Dirava ese vada e hakereregu,
ena huo ai vada e kougu heḡeḡe.
A itaia, na boi lolomu, na tomu “E alagumu”, a ta se haeremu;
na boiboi goadagoadamu, a ta ese maorogu se gwauraimu.
Egu dala vada e magua ahu, basina raka hanai diba totona,
egu dala danu vada e hadiburadia.
Hairaigu na egu amo vada e dabuia oho,
bona havava ḡauna na kwaragu amo vada e abia oho.
10 Kaha iboudiai amo e hadareregumu, bena vada na manoka vaitani;
egu helaro vada e raḡaia isi, au na heto.
11 Ena badu vada e hasiahua, lau ihadikagu;
ana inai tauna ai vada e halaogu.
12 Ena tuari taudia vada e aru hegogo e maimu,
tano vada e larebaia, ituari-henigu totona;
egu kalaga vada e taruhaia heḡeḡe.

13 Tadikakagu na egu amo vada e abidia oho dauhai,
bona turagu lalodia vada e hadikadia vaitani egu ai.
14 Varavaragu bona turagu korikori ese vada e rakatanigu,
15 egu ruma vadivadidia ese vada e lalogu boio;
egu hesiai hahinedia ese idau tauna ai e halaogumu,
idia vairadiai lau na idau gabu tauna.
16 Egu hesiai tauna na boiriamu, to ia na se haeremu;
lau udugu amo do baina noia.
17 Adavagu enai lau na hedadarai ḡauna;
tadikakagu korikori ese e iga-igaraigumu.
18 Memero maraḡidia ese e lalogu negemu;
na tore isi negadia ai, idia ese e gwau dika henigumu.
19 Turagu korikori ese e dadaraigumu,
bona na lalokau henidiamu taudia ese e inai henigumu.
20 Tau-anigu e varoda-varodamu, bona turiagu e horemu;
mokona asina roho mauri.
21 A bogagu hisi, turagu e, a bogagu hisi;
badina be Dirava imana ese vada e daugu toho.
22 Dahaka dainai o hdhisigumu, Dirava ese e hahisigumu na heto?
Dahaka dainai lau tau-anigu ihahisina ai lalomui do asie heḡereḡere?

23 Egu hereva bema hetore bema namo;
buka ai bema hetore.
24 Auri vaduna bona auri metauna amo
papapapa ai bema hetore, vada bema mia hanaihanai.
25 Badina be lau dibagu Ihamaurigu Diravana na e nohomu,
bona nega dokona ai ia na tanobada ai baine gini;
26 bena kopigu na unu baine dika toma murinai
asi hidiogu ai Dirava do baina itaia.
27 Ia na baina itaia, lauegu kaha ai;
matagu ese ia mo bae itaia, dia idauna ta.
Daragu na e dokomu.
28 Boma toma “Ede baita hahisia toma?”
bona “Ramu na ia lalonai mia”,
29 to dare garina ba gari,
badina be badu ese hahedika darena e mailaiamu;
unu amo ba diba, dika davana na e miamu.
Copyright information for `MEU