Job 25

Bildad ena hereva ihaloina

Bena Bildad, tau Suhi, e haere, eto:

Lohia siahuna bona magigina na Dirava enai;
ia ese maino e karaiamu, ena guba dorivanai.
Ta ese iena tuari oreadia baine duahidia diba a?
Tau ta latanai ena diari se taramu a?
Benaini, taunimanima na ede baine maoromaoro toma Dirava vairanai?
Hahine bogana amo e vara tauna na ede baine ḡoevaḡoeva toma?
A itaia, ia vairanai hua na asi diarina,
bona hisiu na dia ḡoḡoeva-ḡoḡoeva;
a idia ese taunimanima e hereaiamu; ia na uloulo mo;
bona taunimanima natuna na biluga mo.
Copyright information for `MEU