Job 26

Iobu na e haere

Bena Iobu na e haere, eto:

Emui heduru, asi siahuna tauna enai, namona be dahaka?
Emui hahemauri, imana asi goadana tauna enai, namona be dahaka?
Emui hahealo, asi aonegana tauna enai, namona be dahaka?
Diba-maoro vada o gwauraia davana a?
Daika ena heduru ai hereva vada o gwaurai?
Daika laumana na oiemu amo vada e lasi?
Mase gabuna ai e nohomu laumadia na e heude-heudemu,
ranu bona davara mai inoholaidia ḡaudia ida danu.
Mase gabuna na eme ḡaḡae, Dirava vairanai;
bona dobu-masemase gabuna na asi iḡovalaina.
Ia ese mirigini kahana e idia roromu, gabu gagaena daenai;
tanobada ia ese e atoamu, dia ḡau ta latanai.
Ia ese ranu e hahebouamu, ena duba dagadagana ai;
a dagadaga na se pararamu.
Ena terono e ḡovaiamu,
ena dagadaga amo e ḡovaia ahumu.
10 Hetoa na gadobada ai e karaia heḡeḡe,
diari bona dibura hetoadia.
11 Guba au-tubuadia e heude-heudemu;
iena gwaugwau dainai e hoa takumu.
12 Ia siahuna amo davara e hagaimaia;
ena lalo-parara amo Rahaba
Ina Rahaba na gadobada ai e nohova ḡauna badana ta, Heberu taudia edia gori ai.
e rahua mase.
13 lena lai ese vala e hanamoa;
ia imana ese e vero haraḡa-haraḡamu gaigaina na e gwadaia mase.
14 A itaia, ini na ena kara rimuna mo;
ia harina sisina mo ta kamonai lahulahumu,
a iena siahu reḡena, guba-rahurahu na heto, daika dibana?
Copyright information for `MEU