Job 3

Iobu ena lalo-hisihisi

Una murinai Iobu na e hereva matama ena vara dinana e uduguiraia.

Iobu eto,
Na vara dinana bema boio,
bona “Mero ta vada e vara” egwa hanuaboina danu.
Una dina na baine dibura,
Dirava atai ai e nohomu ese basine tahua,
bona ḡau ta ese basine hadiaria.
Dibura bona ḡabora ese bae abia,
dagadaga ese bae gorua tao;
dina ai daga-ahu ese baine halalaḡaia.
Una hanuaboi danu baine dibura masemase,
laḡani dinadia bogaragidiai basine moale,
hua padadiai basie duahia.
Momokani, una hanuaboi baine gabani,
moale reḡena ta ia lalonai basie kamonai.
Bae uduguiraia, dina iuduguiraina dibadia taudia ese,
Leviathan
Leviathan na Heberu taudia edia gori ḡauna ta, e laloa ila-itana na sia na heto.
ihaona mai dibadia taudia ese.
Ena daba hisiudia bae dibura;
diari baine laroa, to basine abia,
bona daba e rotoamu basine itaia.
10 Badina be sinagu na se hagabania,
bona hekwarahi na matagu amo se hunia.

11 Badina be dahaka egu vara negana ai asina mase?
Dahaka dainai sinagu bogana amo na lasi negana ai na asina mase?
12 Badina be dahaka sinagu ese mamuna ai e hahelaigu kau?
Dahaka dainai sinagu ratana ese e ubugu?
13 Unu bema heto, bama hekure diho asi reḡereḡegu;
bama mahuta, bena bama laḡa ani,
14 hanua pavapavadia mai edia hahealo taudia,
ruma gunadia e haginidia lou taudia, ida,
15 eiava lohia badadia ida,gold e haboua
bonasilver amo edia ruma e hahonudia taudia.
16 Dahaka dainai masegu ai asina vara helavahu,
tanobada diarina asie itaia memerodia na heheto?
17 Unuseni ai kara dika taudia edia hahetuna e dokomu,
bona tau-boera taudia na laḡadia e animu;
18 unuseni ai igui taudia na e noho hebou namonamomu,
ḡaukara biaguna gadona asie kamonaimu.
19 Maraḡidia bona badadia na unuseni ai,
bona hesiai tauna na biaguna ena amo e roho maurimu.
20 Badina be dahaka diari na hisihisi ai e nohomu tauna e heniamu,
bona mauri na laumana ai mauri mamina e iditamu tauna e heniamu?
21 Idia na mase e ura lalo-dikamu, to se davariamu;
kohu tano ai e hepunimu itahina na heto,
idia ese mase e tahua goadagoadamu.
22 Gara ai e kau negana ai e moalemu,
e moale hisi daemu.
23 Badina be dahaka diari na ena dala e hehunimu tauna e heniamu,
Dirava ese vada e maḡua tauna?
24 Egu taitai na agu aniani na heto;
egu ḡanaḡana na e aru lasimu, ranu na heto.
25 Badina be na gari heniamu ḡauna na latagu ai e kaumu,
bona na gari henia lalo-dikamu ḡauna na egu ai e varamu.
26 Asina noho namonamomu, asina noho mainomu,
asina laḡa animu; a hekwarahi na egu ai e kaumu.
Copyright information for `MEU