Matthew 23

Itorena taudia bona Farisea taudia igwau-henidia herevadia

Iesu ese aru taudia bona ena hahediba e hereva henidia, eto, Itorena taudia bona Farisea taudia na Mose ena helai ḡauna ai vada e helaimu; taunabunai, bae haduamui ḡaudia na ba badina bona ba kara. A edia kara basio tohotoho; badina be e herevamu, to asie karamu. Badina be idia ese maduna metaudia e ḡuimu, taunimanima paḡadia ai e ato kaumu, to imadia kwaki-kwakidia ta ai asie dau kaumu. Edia kara iboudiai e karamu taunimanima ese bae itadia, helaoreana. Bagudia ḡaudia helaḡadia e habadamu; edia dabua rimudia danu e halatamu; e uramu anibou ai gabu hereadia ai bae ege diho, bona dubu ai helai ḡaudia hereadia ai bae helai; e uramu danu hoihoi gabudia ai taunimanima ese bae hanamodia, “hahediba taudia” bae gwauraidia. A umui be “hahediba taumui” basie gwauraimui, badina be emui hahediba tauna na tamona mo, Keriso binai; bona iboumui ai na tadikaka. Bona tanobada ai tau ta “tamamui” basio gwauraia, badina be Tamamui na tamona mo, ia na guba ai e nohomu. 10 Bona “hahekau taumui” basie gwauraimui, badina be emui hahekau tauna na tamona mo, Keriso binai. 11 Umui bogaragimui ai ta baine ura baine herea, ia ese isiaimui baine lao heni. 12 Sibona e heimodai tauna na do bae hamanaua; a sibona e hahenlanau tauna na do bae imodaia.

13 Itorena taumui bona Farisea taumui, koikoi taumui, madi ihabaimui! Badina be guba basileiana na taunimanima vairadiai o koua ahumu; umui na asio raka vareaimu, bona bae raka vareai e tomu taudia na o laodia ahumu.

14 Itorena taumui bona Farisea taumui, koikoi taumui, madi ihabaimui! Badina be vabu edia ruma o ha-ogoḡamidiamu, bena emui ḡuriḡuri o hadaudaumu, taunimanima ikoilaidia. Una dainai, davamui na bae metau.

15 Itorena taumui bona Farisea taumui, koikoi taumui, madi ihabaimui! Badina be davara bona tanobada e haheḡeḡe nladai, helalo-kerehai tauna tamona iabina; o abiamu, bena Gehena natuna ai o halaoamu, ia ese emui dika e hereaia haruamu.

16 Hahekau taumui matamui kekepulu, madi ihabaimui! O tomu “Dubu Helaḡa ladana ai baine gwau hamata tauna na ena gwau-hamata na asi anina, a Dubu Helaḡa gold-na ladana ai baine gwau hamata tauna ese ena gwauhamata do baine badinaia”. 17 Kava bona mata-kepulu taumui e, edena bada, gold eiava gokl e hahelaḡaiamu Dubuna? 18 Ma o tomu “Pata helaḡana ladana ai baine gwau hamata tauna ena gwau-hamata na asi anina, a helaḡa ḡauna pata latanai mia ladana ai baine gwau hamata tauna ese ena gwau-hamata do baine badinaia”. 19 Mata-kepulu taumui e, edena bada, helaḡa ḡauna eiava helaḡa ḡauna e hahelaḡaiamu patana? 20 Benaini, pala helaḡana ladana ai e gwau hamalamu tauna ese pata helaḡana bona pata latanai miadia ḡaudia iboudiai ladadia ai e gwau hamatamu. 21 Bona Dubu Helaḡa ladana ai e gwau hamatamu tauna ese Dubu Helaḡa bona inoholaina Diravana ladadia ai e gwau hamatamu. 22 Bona guba ladana ai e gwau hamatamu tauna ese Dirava ena terono bona latanai e helaimu Diravana ladadia ai e gwau hamatamu.

23 Itorena taumui bona Farisea taumui, koikoi taumui, madi ihabaimui! Badina be aniani avadia maraḡi-maraḡidia iboudiai karoadia o hagwautamu, karoa ta boubou ḡauna ai o halaoamu; to taravatu ena hereva badadia, hahemaoro bona hebogahisi bona heabidadama, o reamu: ini boma badina bona unu danu basioma rea bema namo. 24 Hahekau taumui matamui kekepulu! Nuru amo dimairi o negeamu, to kamelo na o hadonoamu.

25 Itorena taumui bona Farisea taumui, madi ihabaimui! Badina be umui ese kehere bona nau muridia kahadia o huri ḡoevaḡoevamu, to lalodia kahadia na dadidadi bona lebulebu eme honu honu dae. 26 Farisea taumui matamui kekepulu! Kehere lalona kahana ba haḡoevaia guna, bena murina kahana danu baine ḡoeva.

27 Itorena taumui bona Farisea taumui, madi ihabaimui! Badina be umui na e hakurokurodia midavadia na heheto, muridiai ita-itadia be nanamo, to lalodiai mase turiadia bona miro idoinai vada e honumu. 28 Unuhetomana umui danu taunimanima ese e itamuimu kara maoromaoro taudia na heheto, to lalomui na koikoi bona kerere vada eme honu honu dae.

29 Itorena taumui bona Farisea taumui, madi ihabaimui! Badina be peroveta taudia edia gara o larebamu, bona kara maoromaoro taudia pupudia hairaidia o karamu; 30 o tomu “Senemai edia nega ai baiama mauri, peroveta taudia ialadia ai basiama durudia”. 31 Taunabunai, sibomui o hegwauraimu, umui na peroveta e aladia taudia natudia. 32 Senemui edia dika ba haḡuḡuru. 33 Gaigai e! Hekori gaigaidia natudia! Gehena hahemaorona amo ede ba roho mauri toma?

34 ma dainai, lau ese peroveta taudia bona aonega taudia bona itorena taudia na siaidia vasimu. Bena haida na bavaladia mase, oibe, ba hasataurodia; ma haida dubu lalodiai ba dadabadia, bona hanua ela hanua ba luludia. 35 Taunabunai, kara maoromaoro taudia raradia idounai tanobada ai e hebubu gwauna na umui latamui ai: Abel, kara maoromaoro tauna, rarana ema bona Sekaria Barakia rarana, ia na ruma helaḡana bona pata helaḡana padadiai o alaia mase. 36 Na hamaoromui momokanimu, ini ḡau iboudiai na ina uru latanai bae heato kau.

37 Ierusalem e! Ierusalem e! Peroveta taudia o aladia masemu, bona dekemu e siaidia vasimu taudia na nadi amo o hododiamu. Nega hida natumu bama haboudia, kokoroku hahinena ese natuna ia hanina ai e gorudia taomu na heto, to asio ura! 38 Inai, emui ruma na baine vahu. 39 Badina be na hamaoromuimu, basio itagu lou ela bona baoto “Lohiabada ladana ai e maimu tauna aita hanamoa”

Copyright information for `MEU