Proverbs 22

Lada namona iabi-hidina ese taḡa badadia iabi-hididia e hereadiamu,
bona lalo-namo esesilver eiavagold e hereadiamu.
Taga taudia bona ogoḡami taudia na e hegogo heboumu;
Iehova ese iboudiai e karadia.
Lalo-parara tauna ese dika e itaiamu, bena e komumu;
a lalo-duhu taudia na e raka e laomu, bena e hekwakwanaimu.
Manau bona Iehova igari-henina davadia na
taḡa bona heimodai bona mauri.
Ginigini bona idoa na lalo-gagevagageva tauna ena dala ai mimia;
a sibona e hegimamu tauna na dauhai baine noho.
Meromero bema rakalaia dalana na ba hadibalaia;
bena baine buruka negana ai basine rakatania.
Taga tauna ese ogoḡami tauna e biaguamu,
bona abi-torehai tauna ese e henia torehai tauna isiaina e lao heniamu.
Hahemaoro gageva-gageva e hadoamu tauna ese hahehisi anina baine abia,
bona ena badu auna na baine kwaidu.
Ani gaga-isi tauna na bae hanamoa,
badina be ana aniani na ogoḡami taudia ida e ania heboumu.
10 Ḡonaḡona tauna ba lulua lasi, bena heiri-heiri na baine ore,
bona heai bona gwaugwau bae doko.
11 Lalo-ḡoevaḡoeva e ura heniamu bona e hereva manadamu tauna na hanua pavapavana turana ai bainela.
12 Iehovas matana ese lalo-parara e itaia taomu;
a koikoi tauna ena hereva na ia ese e ḡiḡi dobimu.
13 Lahedo tauna na e tomu “Leona ta na murimuri ai;
ariara ai baine alagu mase”.
14 Ariara hahinena uduna na guri dobu-hereana;
Iehova ese e badu heniamu tauna na ia lalonai baine moru dobi.
15 Kavakava na meromero lalonai mia;
a mata-hakani auna ese baine lulua lasi dauhai.
16 Ogoḡami taudia edia amo e dadidadimu, sibona ena taḡa ihabadana totona,
eiava taḡa taudia e harihari henidiamu,
tauna na do baine dabu mo.

17 Taiamu a hakala, aonega taudia edia hereva ba kamonaidia,
egu diba na lalomu ai bavabia dae;
18 badina be lalomu ai ba dogodia tao,
bona bibinamu ai bavabidia hata,
una na moale ḡauna.
19 Hari dina ai oi vada na hadibalaimumu,
Iehova bavabidadama henia helaoreana.
20 Sisiba bona lalo-parara herevadia
toi-ahui vada na tore henimu ani,
21 kara maoromaoro bona kara momokani ihadibalaimu totona,
bona haere maorona na e siaimu taudia ba henidia helaoreana?

22 Ogoḡami tauna basio dadia, badina be ia na ogoḡami;
hisi e animu taudia na hahemaoro gabuna ai basio taodia tao;
23 badina be Iehova ese edia gini-kau gabuna ai baine durudia,
bona edia kohu e dadi ohomu taudia na edia mauri baine dadi oho.
24 Badu haraḡa tauna ida basio hetura,
bona badu ḡaraḡara tauna ida basiola;
25 ena dala ba manadalaidia,
bona sibomu idoa ai ba heidoa na garina.
26 Tau ta dainai e gwau hamatamu tauna ai basiola,
bona ta ena abitorehai toana basio heni.
27 Idavalaina monina ai boma dabu negana ai
emu mahuta patana na henumu amo bema heabi oho,
namona be dahaka?
28 Tano hetoana gunana, senemu ese e holoa ḡauna,
basio raḡaia oho.
29 Ena ḡaukara ikarana mai dibana tauna o itaiamu a?
Ia na pavapava vairadiai baine gini;
asi haridia taudia vairadiai basine gini.
Copyright information for `MEU