Psalms 111

Iehova ba imodaia.
Lau ese Iehova baina hanamoa mai lalogu idoinai,
kara maoromaoro taudia edia orea ai,
hebou taudia bogaragidiai.
Iehova ena ḡaukara na babada,
e moalelaidiamu taudia iboudiai ese e haerodiamu.
Ena ḡaukara na mai imatauraina bona mai siahuna,
ena kara maoromaoro na e mia hanaihanaimu.
Ena hoa karadia vada e kara, taunimanima ese bae lalodia tao totona;
Iehova na mai ena harihari-bada bona mai ena hebogahisi.
E gari heniamu taudia na adia e henidiamu;
ena gwauhamata e laloa hanaihanaimu.
Ena orea taudia na ena kara siahudia e haheitalaidia,
bese idau-idau edia tano e henidia negana ai.
Ia imana ḡaukaradia na momomokakani bona mamaoromamaoro,
ena haheḡani iboudiai na mai heabidadamadia.
Idia na bae gini hanaihanai;
taunimanima ese karadia bae kara mai momokanidia bona
mai maoromaorodia ida.
Ia ese hahemauri na ena orea taudia ediai e siaia;
ena gwauhamata vada e gwauraia, baine mia hanaihanai,
ia ladana na helaḡa, bona mai garina.
10 Iehova igari-henina na aonega imatamana;
e badinaiamu taudia iboudiai na e diba namonamomu,
ia ihanamona e hesiriu hanaihanaimu.
Copyright information for `MEU