Psalms 12

Iehova e, a kahamai! Badina be Dirava imatauraina taudia vada e ore;
kamonai taudia na taunimanima natudia bogaragidia amo vada e puki oho.
Iboudiai na dekedia taudia e koidiamu;
bibinadia na hereva manada-manadadia amo e koikoimu,
bona lalo-rua amo e herevamu.

Bibinadia amo hereva manada-manadadia koikoidia
bona maladia amo hekokoroku herevadia e gwauraimu taudia na Iehova ese bema negedia daure be namo.
Badina be idia na e tomu
“Malada amo baita kwalimu, bibinada na siboda eda;
ita biaguda be daika?”

Iehova na e tomu
“Ogoḡami tauna ena ḡau e dadihaimu dainai,
bona asi ena tauna e ḡanaḡanamu dainai,
lau na baina tore-isi,
e ura heniamu mauri-gabuna ai baina atoa”.
Iehova ena gwauhamata na gwauhamata ḡoeva-daedia,
silver na tano ai ihavevelaina lahina ai nega hahitu e haḡoevaiamu na heto.
Iehova e, oi ese ba gimamai,
ina uru amo ba gimamai hanaihanai.
Kaha iboudiai kara dika taudia na e hetahu loaloamu;
kara havara na taunimanima natudia bogaragidiai e imodaimu.
Copyright information for `MEU