Psalms 121

Lau matagu na gaga isimu, ororo na haḡerediamu;
ikahagu na ede amo e maimu?
Ikahagu na Iehova ena amo e maimu;
ia ese guba bona tanobada e karadia.

Oi aemu ia ese baine naria, basine marere;
oi igimamu Diravana na basine mahuta.
Oibe, Israel igimana Diravana na
matana basine ḡaraia, basine mahuta.

Iehova na oi igimamu Diravana;
Iehova na oi ihahemetaimu, idibamu kahana ai.
Dina siahuna basine hagoreremu dina ai,
eiava hua hanuaboi ai.

Iehova ese dika iboudiai lalodia amo baine gimamu;
ia ese emu mauri baine gimaia.
Emu raka lasi ai bona emu raka vareai ai
Iehova ese baine gimamu,
harihari ela bona hanaihanai.
Copyright information for `MEU