Psalms 122

“Iehova ena ruma aitala”;
unu e hamaorogu toma negana ai na moale.

Ierusalem e, ai aemai vada e gini,
emu ikoukou lalodiai.

Ierusalem na vada e hadaia, hanua badana,
vada e hahekuboua tutuka-tutuka;
iduhu hidaosi ese e dara heniamu,
Iehova ena bese iduhudia;
hahediba herevana na Israel e henia heḡereḡerena,
Iehova ladana bae hanamoa totona.
Hahemaoro teronodia unuseni ai e hadai,
David garana edia terono bunu.
Ierusalem ena maino dainai ba guriḡuri!
E ura henimumu taudia na bae namo.
Maino na emu maḡu ialodiai baine mia,
bona mauri na emu kohoro lalodiai.
Tadikakagu bona bamogu bagudiai bainato
“Maino na oi lalomu ai baine mia”.
Iehova, eda Dirava, ena ruma bagunai,
oi namomu baina tahua.
Copyright information for `MEU