Psalms 125

Iehova e abidadama heniamu taudia na Siona ororona na heto;
basine marere diba, baine mia hanaihanai.
Ororo ese Ierusalem e ḡeḡea ahumu heḡereḡerena,
Iehova ese ena orea taudia unu e ḡeḡedia ahu tomamu,
hari ina negana amo ela bona hanaihanai.
Badina be kara dika ena dagi auna na
kara maoromaoro taudia e henidia tanona latanai basine mia
kara maoromaoro taudia na imadia bema toia roro
bona kara dika bema kara na garina.

Iehova e, kara namo taudia na ba hanamodia,
bona lalodia mamaoro-mamaoro taudia danu.
A dala gageva-gagevadia ai e rakamu taudia na
Iehova ese kara dika taudia ida baine hakaudia lao.
Maino na Israel ai baine mia.

Copyright information for `MEU