Psalms 14

Kavakava tauna ese lalona e hadaiamu, e tomu
“Dirava na lasi”.
Idia na didika, kara mirodia vada e kara;
asi tauna ta ese kara namodia e karamu.

Iehova na guba amo e roha dobimu,
taunimanima natudia e nenediamu;
baine itadia, ta e kara aonegamu eiava,
ta ese Dirava e tahuamu eiava.
Iboudiai vada e raka boioboio, iboudiai na didika;
ta se kara namomu, lasi ona lasi vaitani.

Hari kara dika taudia,
hari egu bese taudia e anidiamu flaoa e animu heḡereḡerena
bona Iehova ladana asie hahaneamu taudia na
asi aonegadia a?

Gari bada ese baine butudia tao,
badina be Dirava na kara maoromaoro taudia edia uru ida e nohomu.
Ogoḡami tauna ena lalo-hadai vada o hahemaraidia,
a Iehova na iena maḡu.

Israel ihamaurina na Siona amo bainema be namo!
Iehova ese ena bese taudia baine ruhadia nege negana ai na
Iakob baine moale,
Israel baine moale hisi dae.
Copyright information for `MEU