Psalms 23

Lau ireḡugu tauna mamoe ireḡuna na heto Iehova mo;
lau na ḡau ta ai basina dabu.
Rei manoka-manoka gabudia ai ia ese e hahekuregumu;
deḡedeḡerahu gabuna ranudia badibadidiai e hakaugumu.
Lau laumagu ia ese e hamauria loumu;
kara maoromaoro daladia ai ia ese e hakaugumu,
ia ladana dainai.

Oibe, ena be mase diburana kourana ai baina raka,
to dika garina basina gari;
badina be oi na lau ida,
emu kareva bona emu itotohi ese lau taugu e haloamu.
Agu aniani oi ese o dabaraiamu,
lau inaigu vairadiai;
lau kwaragu na dehoro ai o horoamu,
egu kehere na e hepurai dobimu.
Momokani, namo bona hebogahisi do bae ḡavagu,
egu mauri dinadia idoidiai;
bona Iehova ena ruma ai
baina noho hanaihanai.
Copyright information for `MEU