Psalms 26

Iehova e, ba gwauraigu maoro,
badina be vada na raka mai maoromaorogu ida,
bona Iehova vada na abidadama henia, asi egu daradara.
Iehova e, ba tahugu, ba dibagu;
lalogu bona daragu ba dibadia.
Badina be emu hebogahisi na lau matagu ai,
bona oi iabidadama-henimu karana ai na rakamu.
Koikoi taudia ida asina helaimu,
bona boga-alaga taudia ida asina raka heboumu;
kara dika taudia edia hebou na inai heniamu,
bona kara havara taudia ida basina helai hebou.

Ialo-ḡoevaḡoeva ai lau imagu na huriamu;
Iehova e, emu ihaboulaina patana na rakaia heḡeḡemu,
oi ihanamolaimu anena na lololaiamu,
bona oiemu hoa karadia iboudiai na gwauraidiamu.

Iehova e, oi o noholaiamu rumana na ura heniamu,
oi hairaimu e miamu gabuna na lalokau heniamu.
Kara dika taudia ida basio darogu tabe,
egu mauri danu rara e hahebubuamu taudia ida basio bibia tabe;
10 idia imadia na kara dikadia ai e honumu,
imadia idibadia na koikoi karadia davadia ai e honumu.

11 A lau be egu kara maoromaoro ai na rakamu;
ba hamaurigu, ba bogagu hisi.
12 Aegu na taora ai gini;
hebou badana lalonai Iehova baina hanamoa.
Copyright information for `MEU