Psalms 29

Siahu taudia natudia e, Iehova ba imodaia;
Iehova hairaina bona siahuna ba heatolaidia.
Iehova ladana hairaina ba heatolaia;
Dabua helaḡadia ai Iehova ba imodaia.

Iehova gadona na ranu latadiai;
Hairai Diravana gadona na guba-rahu na heto,
Iehova na ranu badadia latadiai.
Iehova gadona na mai siahuna,
Iehova gadona na pavapava gadona.

Iehova gadona ese sida audia e hakwaidudiamu,
Iehova ese Lebanon ena sida audia e hakwaidudiamu.
Ia ese Lebanon e harohoamu, boromakau natuna na heto,
Sirion danu e harohoamu, uda boromakauna natuna maruanena na heto.

Iehova gadona ese lahi hururu-hururudia e hakevaru isimu;
Iehova gadona ese tano ḡaḡaena e haheude-heudeamu,
Iehova ese Kade tano-gaḡaena e haheude-heudeamu.
Iehova gadona eseoak audia e odadia hirihirimu,
bona uda au-raudia e oda ohomu;
iena dubu ai ḡau iboudiai ese ia hairaina e gwauraiamu.

10 Iehova na ena terono ai e helaimu, utu-utu daediai;
Iehova na ena terono ai e helaimu, e pavapava hanaihanaimu.
11 Iehova ese ena orea taudia na goada baine henidia;
Iehova ese ena orea taudia na maino amo baine hanamodia.
Copyright information for `MEU