Psalms 6

Iehova e, emu badu ai basio gwau henigu,
emu badu ḡaragarana ai basio hahisigu.
Iehova e, a bogagu hisi, badina be na manokamu;
Iehova e, a hamaurigu, badina be turiagu e hisihisimu.
Laumagu danu e hisihisi badamu;
Iehova e, ela bona edena nega?

Iehova e, a gini kerehai, lau laumagu ba hamauria,
emu hebogahisi dainai ba hamaurigu;
badina be mase ai tau ta ese basine lalomu tao;
mase taudia edia gabu ai daika ese baine imodaimu?

Ḡanaḡana ai na hesikumu,
hanuaboi iboudiai egu mahuta gabuna ai na tai noho
egu mahuta gedana na iruru-matagu ai e pariparumu.
Matagu na e valahu-valahumu, egu lalo-hisihisi dainai,
egu roharoha e manokamu, inaigu loḡora iboudiai daidiai.
Kara havara taumui iboumui ai, egu amo a raka oho,
badina be Iehova ese egu taitai reḡena vada e kamonai.
Iehova ese egu noinoi vada e kamonai,
Iehova ese egu ḡuriḡuri e abia daemu.
10 Lau inaigu iboudiai bae hemarai, lalodia na bae hekwarahi.
idia na bae raka kerehai, hemarai ese baine abidia haraḡa.
Copyright information for `MEU