Psalms 82

Dirava ese dirava edia hebou lalonai ena gabu vada e abia,
dirava idau-idau bogaragidiai hahemaoro e karaiamu.
Umui na ba hahemaoro kerere-kerere ela bona edena nega ai?
Kara dika taudia ediai ba tao ela bona edena nega ai? (Selah)
Asie goadamu taudia bona ihareha na hahemaoro maorona ba henidia,
hisihisi taudia bona ogoḡami taudia edia dala maorodia ba gwaurai.
Asie goadamu taudia bona e dabumu taudia ba hamauridia;
kara dika taudia imadia amo ba harohodia mauri.

Idia na asi edia aonega bona asi edia lalo-parara,
dibura ai a loa eva-evamu;
tanobada badidia iboudiai na e heude-heudemu.

Lau na tomamu: Umui na dirava;
iboumui ai na Herea Mikamika natuna;
ḡau tamona, taunimanima heḡereḡeredia do ba mase,
hanua pavapavana natuna ta heḡereḡerena ba keto.

Dirava e, a tore isi, tanobada ba hahemaoro henia;
badina be bese iboudiai na oiemu.
Copyright information for `MEU