Zechariah 6

Peroveta tauna ena mata-hanai ihataurahanina

Bena na gaga isi lou, kariota hani na itadia, ororo rua padadia amo e maiva. Hari ororo na auri-laboralabora ororodia. Kariota gini-gunana mai hosi kakakakadia; iharuana na mai hosi koremadia; ihatoina na mai hosi kurokurodia; bona kariota ihahanina na mai hosi mia-koremadia mai toutoudia. Bena lau ida a hereva-hereva aneruna na nanadaia, nato, Ḡauka e, ini be dahaka? Hari aneru ese e haere henigu, eto, Ini na tanobada idoinai Lohiana vairanai bae hedinarai guna, bena guba laina haniosi ediai baela. Kariota mai hosi koremadia na mirigini kahana tanona be lao heniamu; kurokurodia na lahara kahana be lao heniamu; bona mai toutoudia ḡaudia na diho kahana be lao heniamu. Hari hosi na e heau lasi negana ai, idia na e ḡava, baela, tanobada bae itaia tao eto. Bena ia eto, Aola, tanobada ba itaia tao. Taunabunai, idia na tanobada i'ita-taona ela. Bena ia ese e boi henigu, eto, A itaia, mirigini kahana vada e lao heniamu taudia ese Laumagu vada e halagaia ani, una mirigini kahana tanona ai.

Iosua kwarana ihavavalaina

Iehova ena hereva na egu ai e kau, eto, 10 Dauhai e hanohodia taudia bogaragidia amo, Heledai bona Tobia bona Iedaia bavabidia; idia na Babulono amo vada ema. Bena una dina tamona ai Iosia Sefania ena ruma baola. 11 Idia ediaisilver bonagold bavabi, havava ḡauna ta ba karaia, bena Iosua Iehosadak, hahelaḡa tauna badana, kwarana ba havavalaia. 12 Bena ba hamaoroa, baoto, Iehova Sabaota na ini e gwau tomamu: Tau ladana Rigi a itaia; badina be ia na ena gabu ai baine tubu, bena ia ese Iehova ena dubu baine haginia. 13 Ia ese Iehova ena dubu baine haginia, bena bae matauraia, pavapava na heto; bena ena terono ai baine helai, baine lohia. Ena terono badibadinai hahelaḡa tauna ta baine gini; bena raruosi lalodia bae tamona, mai mainodia ida. 14 Bena hari havava ḡauna na Iehova ena dubu ai baine mia, Heledai, Tobia, Iedaia bona Iosia Sefania ihahelalo-unedia totona.

15 Dauhai e nohomu taudia na baema, Iehova ena dubu ihaginina ai bae heduru; bena vada ba diba, Iehova Sabaota ese vada e siaigu dekemu ai. Bena Iehova, emui Dirava, gadona ba badinaia namonamo, ini ḡau do bae vara.

Copyright information for `MEU