Hebrews 5

Mua Maneka-ke pris woos mua wia pepekimok

Aria wi pris pun wi miiw mua-ke, ne pris woos mua pepekimowa nain Mua Maneka-ke pepekimiya.
5.1Iiriw Mua Maneka-ke Moses maakeya Aron pris woos mua wuak. O Liwai kerekera-pa imenarek. Naapeya wi Aron teeria-pa imenaremik nain, pris uuwowa opam-ikemik. Pris woos mua umeya Mua Maneka farep mua oko pepekimem-ikemik.
Nain o uuwowa feenap, o gone mua arep wi maa ele-eliwa Mua Maneka wuomimik nain wiar aawep pikiwiya, ne pun wi emeria mua pina wia iirarominok naep Mua Maneka patirami maa eneka kuumiya.
Pris woos mua nain ona maiya, yena pun kekanowa marew, pina-pa ikaiyem, naemi wi emeria mua maa me kema suuwowa pina onimik nain kekelka wia wuami eliwwia asipam-ikainon. Naapeya ona kiikir Mua Maneka patirap maa eneka kuumemi ona pina iirarep-puap ikoka wi emeria mua pun pina wia iiraromowa-ke.

Pris woos mua ikua nain unum maneka onaiya ikua. Nain mua-ke me wame pepekimiya, weetak. Mua Maneka-ke pepekimeya pris woos mua ariya, iiriw Aron pepekimok naap. Ne Krais pun naap, me ona maneka wame wuekam naep pris woos mua arek, weetak. Mua Maneka-ke uuwowa nain iwep maakek,

“No yena Muuka-ke. Yo aakisa nena Niawi-ke.”
(Someka 2.7)

Ne opora iir oko maakek nain feenap,

“No pris ikon nain anane maneka naap ikainan, eena iiriw Melkisedek pris ikua naap.”
(Someka 110.4)

Ne Yeesus eena miiwa-pa ikua nain o Mua Maneka kerew faremi omow eka sawikam-ikua, ona kekanowa-pa efa aaweya me uminen naep. Ona kookalowa wame porop Mua Maneka tepak-pa wame wuam-ikua. Naapeya Mua Maneka farem-ikua nain wiar apekarem-ikua. Makena, o Mua Maneka Muuka-ke, nain sirirowa aaw-ikim-ikua nan Mua Maneka opora ookowa paayarek. Naeya o Mua Maneka opora ookowa nain iiwawun pepek erak. Naapeya Mua Maneka-ke o pris woos mua ike naakep ariman wuak, iiriw eena Melkisedek ikua naap. Naeya wi o opora wiar miimimik nain os-ke wia aaweya anane maneka eliw akena ikaikuan.

Sira samora-pa me wakieka wia maakek

11 Aria i nia maakowa nain opora unowa yiar ikua. Nain i yoowa furewimik, moram ni opora ekap aawowa me pepek. 12 Ni eliw Mua Maneka opora mua oko wia ookomowen, nain mua oko-ke Mua Maneka opora iiriw amisareman nain, nainiw nia maakep maakep naem-ikaikuan-yon. Ni feenap, ni maa kekanowa enowa nain meseka enem-ikaiman-yon aa. 13 Wi eena meseka enimimik nain wi muuk gia ikemik. Naapeya sira eliwa ne sira samora wi mekawowa me paayaremik. 14 Maa enowa kekanowa wi mua kema fareremik nain wiarik. Moramwi iiriw sira eliwa ne sira samora mekawowa paayarep ikemik.

Copyright information for `MHL