Revelation of John 6

Sipsip Muuka maifa wasirkeya miiwa sirirowa aawikuan

Aria yo naap ikemkun Sipsip Muuka maifa eena maa tana ikur okaiwi-pa erup opap ikua nain kuisow teekak. Teekeya wi maa erepam nain kuisow-ke farek, o iwakara aapereka paranowa saarik wiar miimam, “Aa ekape!” Naap fareya yo mokoka wuam-ikem-na oos kia urufam. Ne mua oko oos iinan-pa ikua nain ikiwos maa bala onaiya ikua ne amia opap ikua. Irakowa wia nomakekam naep irak-ikiwem-ikua.

Nain weesereya Sipsip Muuka nainiw tana opowa teekap opor ara imenak. Ne maa erepam nain oko-ke feenap maeya miimam, “Aa ekape!” Naap maeya oos oko-ke orok, oos nain oka akena-ke. Mua oos iinan-pa pokap ikua nain bainat maneka iwiwkin opap ikua. O kekanowa iweya orop miiwa-pa irakowa imenak. Naeya miiw mua wieniw irakemi wiam ifakimikuan.

Ne nainiw tana opowa oko teekak. Teekeya maa erepam nain oko-ke maek, “Aa ekape!” Ne yo mokoka wuam-ikem-na oos sepa maneka urufam. Mua oos-pa pokap ikua nain skel opap ikua. Yo ifana wuap ikemkun maa erepam nain gone-pa mua farowa iwakara saarik miimam. Miiwa maa enowa iiwarinon naep feenap maek, “Wit makena mokoka gelemuta kuisow sesa maneka, fofa kuisow uuwow sesa-pa sesenarikuan. Ne baali makena pun naap, mokoka gelemutitik arow, fofa kuisow uuwow sesa-pa sesenarikuan. Ne wel, wain eka onaiya me samore, naeya unowa ikainon!”

Nain weesereya tana opowa oko teekak. Teekeya maa erepam nain oko-ke feenap maeya miimam, “Aa ekape!” Yo mokoka wuam-ikem-na oos oko mia foma nain urufam. Mua oos iinan-pa pokap ikua nain unuma Umowa naimik, ne mua oko unuma Umow Owowa naimik nain pun o muri-ookam-ikua. Wi nain kekanowa wieya miiwa-pa umowa wuikuan. Miiw mua unowa teeria erepam ikemik nain ikoka teeria kuisow saarik wia ifakimikuan. Sira feenap onami wia ifakimikuan: papako irakowa-pa umikuan, papako weniw maneka wiiwkin enow marew ikok umikuan, papako napum sira-sira wiiwkin napumarep umikuan, ne papako maa eneka samora sesekiwkin wia ifakiminon.

Ne aria kiiriw tana opowa oko teekak. Yo Mua Maneka patirow esimsa emina mokoka wuam-na mua kukusa wia urufam. Wi teeria eena iiriw Mua Maneka opora wiar opap kekanep opora ariman wuam-ikaiwkin wia ifakimemik nain. 10 Wi teeria nain kerew akena faremi maem-ikemik, “Oo yiena Maneka, no kekanowa akena, no mua eliwa ne makena-ke! Wi miiw mua iiriw yia samorami yia ifakimemik nain iikamin akena-ko muuna yia ururominan?” Naap maemik. 11 Wi teeria nain kuisow kuisow mia suuwowa kia maala wiemi wia maakemik, “Lawisiw naap ikeka. Naap ikok niena uuwow epaskun, ne Yeesus teeria papako wia areweka. Eena Mua Maneka ona kamin wia pepekimok pepek naap wia ifakimiwkin epa nain imenarinon.” Naap maek.

12 Nain weesereya kiiriw tana opowa oko teekak. Nain teekeya maa ofofona maneka-ke urupemi epa kokoma tenek, konim sepa saarik, ne siiwa pun iiwawun oka kirek, maa aka saarik. 13 Mokoma-ke ururomakek, nomokow makena eena ewar maneka ofofeya popoka ururiya naap. 14 Aapereka-ke wame kaisap mesenalek, maifa kuuma-pa wasimik naap. Ema ne mot unowa iiwawun kekekraremi wiena iiriw ikemik epa nain piipuamik. 15 Maa nain imenareya wi owow saria, wi ami woos mua ne wi anim onoma woos mua, wi maamuma mua ne wi mua kekanowa, wi mua oram, aria wi uuwow mua sesa marew uuwimik nain, wi iiwawun unow onaiya baurarep ikip miiw ona ne ema pona nomon unowa-pa wiam pipilimemik. 16 Pipilalep ikok ema ne nomona nain emin kia wiarem-ikemik, “I yia ifemakekan oo! Naeya mua pokap ikua nain me yia urufinok. Ne pun Sipsip Muuka yia bagiwiram-ikaiya nain me yia urufinok oo! 17 Aa fofa nain samora akena-ke, i sira samora onamik nain yia kiripiya nain i iiwawun kamenap kekanep iimariyen.”

Copyright information for `MHL