Psalms 103

Labalamu At Ne Moroa

Labalak, una emi asu mi Leeme Silok! Lorooro axap tarak, una emi asu mi laasen kaala ren! Labalak, una emi asu mi Leeme Silok, la uguta domampe mo lebelemumu ren. Neni ga doxoma xepe lengkakapmek tarak la ni ga lok kepe levenanmeres axap tarak. Ik lox asepsu ia basinge lamaut la ik lox anarong ia mi labalamu la lebelemumu. Ik suxa lorooro rak mi lempanga avukat, kusu anaba nemen ngan laau la ana lolos ngan lamaalom.

Leeme Silok i tu at lenep at limixin baava la ik lox asepmus nedi ua limixin di lox asi di. Neni ga lox asuusu leven doxoma ali ren ti ne Moses la ni ga lok leme Israel kusu dina ven leven gugu lolos teren. Leeme Silok neni laradi at lebelemumu la labalamu, la ixok belemamao soso ketla i umsu mi labalamu lexen. Ni xopmen nak musak amisik; la lebelemamao ren kopmen na nemen amisik. 10 I epovo xusu atap kip ka leveloklok asongot teren, ketla neni xopmen nak lox asongot nedik na epovo mi levengkakapmek atnedik; la ixo poorang leveng kakapmek la leveloklok bilinga atdik. 11 La labalamu ren i silok aleng tinedi ua dik lok ngangao ren, la mo labalamu ren i urut aleng upana at laxalibet mavana at lavatbung menemen. 12 La ik lok kepe leveloklok bilinga atdik uto vaxalom tino, i ngan utonak at lemeren laxangking la utois kopok tino. 13 I ngan ne temen laxamdak i belemumu luvutnitna, kuren la Leeme Silok i belemumu nedi ua dik lok ngangao ren. 14 Neni iklen i do ga rudum dik mi lavanga salai; iklen i do nedik laxakup mene nga.

15 Kuren la nedik, lorooro atnedik i lok ngan mun lempivilis. Nedik ta susu la ta tepoposok ngan levempusuvus aaxa; 16 la lamanman it mas i la ira vaxap manga, la ata baxo ven ka bok ba i. 17 Ketla nedi dik lok ngangao at Leeme Silok, labalamu ren ik lok amisik mavana atnedi, la luvukat teren ik lok amisik tinedi lavaola axap, 18 la tinedi bok di ruturun ti lekabus teren la ding tonga res tuturun at levelinga ren.

19 Leeme Silok ga vuxaxis li loxot kitkis teren to vana at laxalibet; la neni i ngan Loorong Silok mavana at lempanga axap. 20 Mina emi asu mi Leeme Silok, nemi lubung angelo lolos, nemi ua ming tonga res at levelinga ren, la ming tonga lempanga neni i tong i. 21 Nemi limixin lolos axap to vana at laxalibet, mina emi asu mi Leeme Silok, nemi lavasaxaruki ren no mik lok leven gugu mu asu lavavara ren. 22 Nemi lempanga vipis axap teren at lengkot axap neni ik lok gomgo ren, mina emi asu mi Leeme Silok.

Labalak, una emi asu mi Leeme Silok!

Copyright information for `MMX