Psalms 110

Leeme Silok Mi Loorong Soksoxolik Silok

Leeme Silok ne Moroa ga vaase ri leeme silok tarak keretna, “Unat kis de at lakngak tino, se ana lok li lavamunepen taram na ngan loxot burubut ti luxangkedek taram. Leeme Silok naba lox asilok mo lixitkis amgomgo ram naba ruka i ro Saion; la unabam gomgonga nedi lavamunepen taram. At levenaleng at leesep limixin esep taram diba xulubi aleng kusu ri esep. La no mun at lenmaxantamak suubu, luvurau radi ram dibat pas posiga u ro vana at lakaana i xaala.

La Leeme Silok gara xaape vam la kopmen noxo lox ekun bok ba lodoxoma ren. Neni ga lok keretna, “Nenu naba nemen amisik ngan lamaasa kerekngan(?) ne Melkisedek.”

Leeme Silok mo i tu at lenep taram, la neni naba vas adamda lavaorong silok ap mo laaleng neni naba lox asuusu lebelemamao ren. Neni naba viila mumu loklok at larabungmixin axap, la naba lili bubua lenbantuxu at limixin ni ga sep amet pam di, la na sak tup mi limixin amgomgo at lavatbung menemen axap. Loorong naba in dan to at ladan sen saparap langas ti lox alolos amu i; kuren la neni naba sak tup mi lavamunepen axap teren.

Copyright information for `MMX