Psalms 127

Leemi Asu Ri Leeme Silok Mumu Lununuan Teren

Mo do Leeme Silok noxo vaxaru loogu, limixin kipkip gu di noxo lox adak toxot. La do Leeme Silok noxo ven tatao bok temenemen silok, luvuttadi pereven tatao di noxo lox adak toxot. Kopmen tavasuun teren kusu limixin dina gugu lolos to at leventaamang atdi at laxanaleng axap, tu ka i at lenmaxantamak suubu la naba se ukantinao bungbung main, mila Leeme Silok nabam taba nedi mo neni i balamu di, la i gagas li i at lengkanimin, keke i do nedi mo di unga.

Laxamdak mi laxaalik di lok ngan leventamtaba boro at Leeme Silok, di lok ngan loklok anarong ti luvuttemen di mi luvutnen di. Laxamdak mi laxaalik at latlok maxat, di lok ngan levesoosoo ro at lekngen lasesep.

Luvukat ti mo laradi i visik buaang laxamdak mi laxaalik la dik lok kangkan i ngan lempat sili un. Lavamunepen teren di noxo vas asi ba mo laradi mo do neni na ekip tangarang midi ro at loxot tongtonga linga.

Copyright information for `MMX