Psalms 138

Lisingising Ti Tong Avukat

Nenia a tong avukat tu Leeme Silok mi lorooro axap tarak; a vixan emi asu ru ro melamgo at leven moroa axap. A ru gili ri loogu laplavang kaala ram a rikbu la a emi asu mi laasen taram mumu labalamu lexen la loklok tuturun taram tinama. La a emi asu minu atla uga lox asuusu i do laasen taram i silok pologat la Lenavolo ram i silok aleng la duk lok mavana at lempanga axap at na lavatbung menemen. Uga ronga res tarak at loxonaleng aga ro ke ram; la uga lox alolos ia mi lolos taram.

Leeme Silok, lavaorong axap at lavatbung menemen dinaba emi asu minu, atla digara ronga vam leveng kakaape ram. Dinabak pixan mumu lempanga ugara lok pam i la mumu laasen silok taram. Keke i do nenu u silok polo lempanga axap, ketla uk lok tatao luvuttadi gamasa de xopok, la limixin loklox aaso dixo epovo na lox alipe laxakapmek atdi basinge u.

At levenaleng levenmumuat i tu kangkan ia, nenu uk lok tatao ia. Nenu up sep tangarang lavamunepen belemamao rak, la uk lox asepsu ia mi lolos taram. Nenu naba lox epovo lempanga uga xaape min; Leeme Silok, labalamu ram naba nemen lexen. Una lox epovo axap ta mo lugugu ua ugara vaxaru kaxat pam i.

Copyright information for `MMX